മുംബൈ: പുതിയ പോലീസ് കമ്മീഷണറായി ഹേമന്ത് നാഗ്രാലെ ചുമതലയേറ്റ് ഒരാഴ്‌ച തികയുമ്പോൾ മുംബൈ പോലീസിൽ കൂട്ട സ്‌ഥലംമാറ്റം. ക്രൈം ബ്രാഞ്ച് യൂണിറ്റുകളിലെ 65 ഉദ്യോഗസ്‌ഥരടക്കം 86 പോലീസ് ഉദ്യോഗസ്‌ഥരെയാണ് വിവിധ പോലീസ് സ്‌റ്റേഷനുകളിലേക്കും മറ്റും സ്‌ഥലംമാറ്റിയത്.
എൻഐഎ അറസ്‌റ്റ് ചെയ്‌ത ക്രൈം ബ്രാഞ്ച് ഉദ്യോഗസ്‌ഥൻ സച്ചിൻ വാസെക്കൊപ്പം ജോലി ചെയ്‌തിരുന്ന ഉദ്യോഗസ്‌ഥരടക്കം സ്‌ഥലംമാറ്റം കിട്ടിയവരുടെ പട്ടികയിലുണ്ട്. വാസെയുടെ സഹപ്രവർത്തകരും അസി. ഇൻസ്‌പെക്‌ടർമാരുമായ റിയാസുദ്ദീൻ കാസിയെ ലോക്കൽ ആംസ് ഡിവിഷനിലേക്കും പ്രകാശ് ഹൊവാൾഡിനെ മലബാർ ഹിൽ പോലീസ് സ്‌റ്റേഷനിലേക്കുമാണ് സ്‌ഥലം മാറ്റിയത്.
ക്രൈം ബ്രാഞ്ചിൽ പ്രമാദമായ പല കേസുകളും അന്വേഷിച്ചിരുന്ന ഉദ്യോഗസ്‌ഥർക്ക് ട്രാഫിക്കിലേക്കും മറ്റ് സ്‌റ്റേഷനുകളിലേക്കുമാണ് മാറ്റം. അസി. പോലീസ് ഇൻസ്‌പെക്‌ടർ സുനിൽ മാനെയെ മുലുന്ദ് പോലീസ് സ്‌റ്റേഷനിലേക്ക് മാറ്റി.
മുൻ മുംബൈ പോലീസ് കമ്മീഷണറായ പരംബീർ സിങ്ങിന്റെ ആരോപണങ്ങൾക്ക് പിന്നാലെ ആഭ്യന്തര മന്ത്രി അനിൽ ദേശ്‌മുഖും മുഖ്യമന്ത്രി ഉദ്ധവ് താക്കറെയും കഴിഞ്ഞ ദിവസം കൂടിക്കാഴ്‌ച നടത്തിയിരുന്നു. ഇതിന് പിന്നാലെയാണ് മുംബൈ പോലീസിലെ ഉദ്യോഗസ്‌ഥരെ കൂട്ടത്തോടെ സ്‌ഥലംമാറ്റി ഉത്തരവിറങ്ങിയത്.
അഭിപ്രായങ്ങളുടെ ആധികാരികത ഉറപ്പിക്കുന്നതിന് വേണ്ടി കൃത്യമായ ഇ-മെയിൽ വിലാസവും ഫോട്ടോയും ഉൾപ്പെടുത്താൻ ശ്രമിക്കുക. രേഖപ്പെടുത്തപ്പെടുന്ന അഭിപ്രായങ്ങളിൽ 'ഏറ്റവും മികച്ചതെന്ന് ഞങ്ങളുടെ എഡിറ്റോറിയൽ ബോർഡിന്' തോന്നുന്നത് പൊതു ശബ്‌ദം എന്ന കോളത്തിലും സാമൂഹിക മാദ്ധ്യമങ്ങളിലും ഉൾപ്പെടുത്തും. ആവശ്യമെങ്കിൽ എഡിറ്റ് ചെയ്യും. ശ്രദ്ധിക്കുക; മലബാർ ന്യൂസ് നടത്തുന്ന അഭിപ്രായ പ്രകടനങ്ങളല്ല ഇവിടെ പോസ്‌റ്റ് ചെയ്യുന്നത്. ഇവയുടെ പൂർണ ഉത്തരവാദിത്തം രചയിതാവിനായിരിക്കും. അധിക്ഷേപങ്ങളും അശ്‌ളീല പദപ്രയോഗങ്ങളും നടത്തുന്നത് ശിക്ഷാർഹമായ കുറ്റമാണ്.
