ന്യൂഡെൽഹി: പാകിസ്‌ഥാനുമായി ഊഷ്‌മളമായ ബന്ധമാണ് ആഗ്രഹിക്കുന്നതെന്ന് ഇന്ത്യ. എന്നാല്‍ ഇതിനായി വിശ്വാസത്തിന്റെ അന്തരീക്ഷവും ഭീകരതയും ശത്രുതയും ഇല്ലാത്ത അവസ്‌ഥയും അനിവാര്യമാണെന്ന് പാക് പ്രധാനമന്ത്രി ഇമ്രാന്‍ ഖാന് അയച്ച കത്തിൽ നരേന്ദ്ര മോദി പറഞ്ഞു. പാക്ക് ദിനത്തിന്റെ ഭാഗമായി പാകിസ്‌ഥാനിലെ ജനങ്ങള്‍ക്ക് ആശംസ അര്‍പ്പിച്ചുകൊണ്ടാണ് മോദി കത്തയച്ചത്.
അയല്‍ രാജ്യമെന്ന നിലയില്‍ പാകിസ്‌ഥാനിലെ ജനങ്ങളുമായി ഇന്ത്യ ഹൃദ്യമായ ബന്ധമാണ് ആഗ്രഹിക്കുന്നത്. എന്നാല്‍ ഇതിന് വിശ്വാസത്തിന്റെ അന്തരീക്ഷവും ഭീകരത ഇല്ലാത്ത അവസ്‌ഥയും അനിവാര്യമാണെന്നും കത്തില്‍ പറയുന്നു.
ഇന്ത്യ-പാക്ക് ബന്ധത്തില്‍ പ്രത്യാശാനിര്‍ഭരമായ സൂചനകളാണ് ഇപ്പോള്‍ ഉണ്ടാകുന്നത്. ഇരുരാജ്യങ്ങൾക്കും ഇടയിൽ സമാധാനം പുലരുമെന്ന പ്രതീക്ഷയാണ് കഴിഞ്ഞ കുറച്ചു നാളുകളായി ഭരണകർത്താക്കളിൽ നിന്നും സൈനിക മേധാവികളിൽ നിന്നും ഉണ്ടാവുന്നത്. ഏറ്റവും ഒടുവിൽ പാക് സൈനിക മേധാവി തന്നെ ഈ ആവശ്യവുമായി രംഗത്ത് വന്നിരുന്നു.
Read Also: ലെഫ്റ്റനന്റ് ഗവർണർക്ക് കൂടുതൽ അധികാരം നൽകുന്ന ബിൽ; രാജ്യസഭയിൽ നേരിടാനൊരുങ്ങി ആംആദ്‌മി
