തിരുവനന്തപുരം: സ്വർണക്കടത്ത് കേസിൽ മുഖ്യമന്ത്രിയുടെ അഡീഷണൽ പ്രൈവറ്റ് സെക്രട്ടറി സിഎം രവീന്ദ്രനെ ഇഡി ചോദ്യം ചെയ്യലിന് വിളിപ്പിച്ചതിൽ അസ്വാഭാവികമായി ഒന്നുമില്ലെന്ന് സിപിഎം സംസ്‌ഥാന സെക്രട്ടറി എ വിജയരാഘവൻ. ഏതൊരു വ്യക്‌തിയേയും അന്വേഷണത്തിന്റെ ഭാഗമായി ചോദ്യം ചെയ്യാൻ കേന്ദ്ര ഏജൻസികൾക്ക് അവകാശമുണ്ട്. അതിനെ മറ്റൊരു തരത്തിൽ കാണാൻ സിപിഎം ശ്രമിക്കുന്നില്ല.
ഒരാളെ ചോദ്യം ചെയ്യാൻ വിളിപ്പിച്ചത് കൊണ്ട് മാത്രം അയാൾ കുറ്റവാളി ആകുന്നില്ലെന്നും എ വിജയരാഘവൻ മാദ്ധ്യമങ്ങളോട് പറഞ്ഞു. വികസനവും അപവാദവും തമ്മിലാണ് തദ്ദേശ തിരഞ്ഞെടുപ്പിൽ ഏറ്റുമുട്ടുന്നത്.
വെൽഫെയർ പാർട്ടിയുമായി സഖ്യമില്ലെന്ന് പറഞ്ഞ് ജനങ്ങളെ പറ്റിക്കാനാണ് യുഡിഎഫ് ശ്രമിക്കുന്നത്. കെഎസ്എഫ്ഇ റെയ്‌ഡ്‌ അടഞ്ഞ അദ്ധ്യായമാണ്. എല്ലാ കാര്യങ്ങളും മുഖ്യമന്ത്രിയും ധനമന്ത്രിയും വ്യക്‌തമാക്കിയെന്നും എ വിജയരാഘവൻ പറഞ്ഞു.
എന്നാൽ മുഖ്യമന്ത്രിക്ക് എതിരെയുള്ള ബിജു രമേശിന്റെ ആരോപണത്തെ കുറിച്ചുള്ള ചോദ്യത്തിൽ നിന്നും വിജയരാഘവൻ ഒഴിഞ്ഞുമാറി. മുഖ്യമന്ത്രിയെ വിലകുറച്ചു കാണുന്ന ചോദ്യത്തിന് മറുപടി പറയാനില്ലെന്ന് അദ്ദേഹം ഇതിനോട് പ്രതികരിച്ചു. ബിജു രമേശിന്റെ എല്ലാ വെളിപ്പെടുത്തലുകളും അന്വേഷിക്കാൻ കഴിയില്ലെന്നും വിജരാഘവൻ പറഞ്ഞു.
അഭിപ്രായങ്ങളുടെ ആധികാരികത ഉറപ്പിക്കുന്നതിന് വേണ്ടി കൃത്യമായ ഇ-മെയിൽ വിലാസവും ഫോട്ടോയും ഉൾപ്പെടുത്താൻ ശ്രമിക്കുക. രേഖപ്പെടുത്തപ്പെടുന്ന അഭിപ്രായങ്ങളിൽ 'ഏറ്റവും മികച്ചതെന്ന് ഞങ്ങളുടെ എഡിറ്റോറിയൽ ബോർഡിന്' തോന്നുന്നത് പൊതു ശബ്‌ദം എന്ന കോളത്തിലും സാമൂഹിക മാദ്ധ്യമങ്ങളിലും ഉൾപ്പെടുത്തും. ആവശ്യമെങ്കിൽ എഡിറ്റ് ചെയ്യും. ശ്രദ്ധിക്കുക; മലബാർ ന്യൂസ് നടത്തുന്ന അഭിപ്രായ പ്രകടനങ്ങളല്ല ഇവിടെ പോസ്‌റ്റ് ചെയ്യുന്നത്. ഇവയുടെ പൂർണ ഉത്തരവാദിത്തം രചയിതാവിനായിരിക്കും. അധിക്ഷേപങ്ങളും അശ്‌ളീല പദപ്രയോഗങ്ങളും നടത്തുന്നത് ശിക്ഷാർഹമായ കുറ്റമാണ്.
