തിരുവനന്തപുരം : സംസ്ഥാനത്തെ വിവിധ സര്വകലാശാലകളിലെ 16 അനധ്യാപിക തസ്തികകളില് കൂടി ഇനി പിഎസ്സി നിയമനം നടത്തും. എക്സിക്യൂട്ടീവ് ഉത്തരവിലൂടെ ഉന്നത വിദ്യാഭ്യാസ വകുപ്പാണ് ഇപ്പോള് നിയമനം പിഎസ്സിക്ക് വിട്ടത്.
ലാസ്റ്റ് ഗ്രേഡ്, ഡ്രൈവര്, ലൈബ്രറി അസിസ്റ്റന്ഡ്, ഇലക്ട്രീഷന്, പമ്പ് ഓപ്പറേറ്റര്, സെക്യൂരിറ്റി ഓഫീസര്, സിസ്റ്റം മാനേജര്, പിആര്ഒ തുടങ്ങിയ 16 തസ്തികകളില് ആണ് ഇനി മുതല് പിഎസ്സി നേരിട്ട് നിയമനം നടത്താന് പോകുന്നത്. പുതിയ ഉത്തരവ് പ്രകാരം സ്പെഷ്യല് റൂള് തയ്യാറായില്ലെങ്കിലും സംസ്ഥാനത്തെ വിവിധ സര്വകലാശാലകളിലെ രണ്ടായിരത്തില് അധികം വരുന്ന ഈ തസ്തികകളിലേക്ക് പിഎസ്സിക്ക് ഇനി മുതല് നേരിട്ട് നിയമനം നടത്താന് സാധിക്കും.
2010 ലാണ് സര്വകലാശാലകളിലെ അനധ്യാപക നിയമനം പിഎസ്സിക്ക് വിടുന്ന കാര്യത്തില് ആദ്യമായി തീരുമാനം ഉണ്ടായത്. എന്നാല് അന്ന് നിയമന വ്യവസ്ഥകള് അടങ്ങുന്ന സ്പെഷ്യല് റൂള് തയ്യാറാകാത്തത് പിഎസ്സിക്ക് തടസമായി മാറി. പിന്നീട് ഇക്കാര്യത്തില് മറ്റൊരു തീരുമാനം ഉണ്ടാകുന്നത് ഇപ്പോഴാണ്. എക്സിക്യൂട്ടിവ് ഉത്തരവിലൂടെ സര്ക്കാര് ഇതിന് മുന്പ് പിഎസ്സിക്ക് നിയമനം അനുവദിച്ചത് 2016 ല് ആണ്. അസിസ്റ്റന്റ്, കംപ്യൂട്ടര് അസിസ്റ്റന്റ് എന്നീ തസ്തികകളിലെ നിയമനം ആയിരുന്നു അന്ന് സര്ക്കാര് പിഎസ്സിക്ക് വിട്ടത്.
Read also : ഇന്ത്യയില് നിക്ഷേപം നടത്താന് ഒപെക് രാജ്യങ്ങളെ ക്ഷണിച്ച് പെട്രോളിയം മന്ത്രി
