തിരുവനന്തപുരം: സംസ്ഥാനത്ത് നാളെ നടത്താനിരുന്ന പരീക്ഷകളും സർട്ടിഫിക്കറ്റ് വെരിഫിക്കേഷനും മാറ്റിവച്ചതായി അറിയിച്ച് പിഎസ്സി. ഈദുൽ ഫിത്തർ പ്രമാണിച്ച് മെയ് 3ന് സർക്കാർ പൊതു അവധി പ്രഖ്യാപിച്ചതിനെ തുടർന്നാണ് പിഎസ്സി അറിയിപ്പ് നൽകിയത്.
നാളെ നടത്താൻ നിശ്ചയിച്ചിരുന്ന സർട്ടിഫിക്കറ്റ് വെരിഫിക്കേഷൻ, സർവീസ് വെരിഫിക്കേഷൻ എന്നിവ മാറ്റിവച്ചതായും, പുതുക്കിയ തീയതി പിന്നീട് അറിയിക്കുമെന്നും അധികൃതർ വ്യക്തമാക്കി. അതേസമയം നാളെ നടത്താൻ നിശ്ചയിച്ചിരുന്ന അക്കൗണ്ട് ടെസ്റ്റ് ഫോർ എക്സിക്യൂട്ടിവ് ഓഫീസർ(കേരള സർവ്വീസ് റൂൾസ്) വകുപ്പുതല പരീക്ഷ മെയ് 9ആം തീയതി നടത്തുമെന്നും അധികൃതർ കൂട്ടിച്ചേർത്തു.
Read also: സ്കൂളിലെ ഉച്ചഭക്ഷണത്തിൽ മാംസാഹാരം നൽകാം; ഇടക്കാല ഉത്തരവുമായി സുപ്രീം കോടതി