ന്യൂഡെൽഹി: കേന്ദ്ര സർക്കാരിന്റെ പുതിയ പദ്ധതിയായ അഗ്നിപഥിന് എതിരെ രാജ്യവ്യാപകമായി പ്രതിഷേധം ഉയരുകയും പലയിടത്തും അക്രമാസക്തമാവുകയും ചെയ്ത സാഹചര്യത്തിൽ സമാധാനപൂർവം പ്രക്ഷോഭം നടത്തണമെന്ന് യുവാക്കളോട് അഭ്യർഥിച്ച് കോൺഗ്രസ് അധ്യക്ഷ സോണിയ ഗാന്ധി. ആശുപത്രിയിൽ വച്ച് രാജ്യത്തെ യുവാക്കൾക്ക് എഴുതിയ തുറന്ന കത്തിലാണ് സോണിയ അഭ്യർഥന നടത്തിയത്.
“അഹിംസാത്മകമായ രീതിയിൽ സമാധാനപരമായി പ്രതിഷേധിക്കാൻ ഞാൻ നിങ്ങളോട് അഭ്യർഥിക്കുന്നു. ഇന്ത്യൻ നാഷണൽ കോൺഗ്രസ് നിങ്ങളോടൊപ്പമുണ്ട്,”- സോണിയ കത്തിൽ പറഞ്ഞു.
“നിങ്ങളുടെ ശബ്ദം അവഗണിച്ച് സർക്കാർ പുതിയ സൈനിക റിക്രൂട്ട്മെന്റ് പദ്ധതി പ്രഖ്യാപിച്ചതിൽ എനിക്ക് നിരാശയുണ്ട്. പല വിമുക്തഭടൻമാരും പുതിയ പദ്ധതിയെക്കുറിച്ച് ചോദ്യങ്ങൾ ഉന്നയിച്ചിട്ടുണ്ട്,”- പാർട്ടി നേതാവ് ജയറാം ട്വിറ്ററിൽ പങ്കുവച്ച സോണിയയുടെ തുറന്ന കത്തിൽ പറയുന്നു.
” ഈ പദ്ധതിക്ക് എതിരെ നിങ്ങളുടെ താൽപര്യം സംരക്ഷിക്കുന്നതിൽ ഇന്ത്യൻ നാഷണൽ കോൺഗ്രസ് ശക്തമായി നിലകൊള്ളും. ഒരു യഥാർഥ രാജ്യസ്നേഹി എന്ന നിലയിൽ ഈ പദ്ധതിക്ക് എതിരെ അക്രമം കൂടാതെ സമാധാനപരമായും ക്ഷമയോടെയും സമരം ചെയ്യും,”- സോണിയ കൂട്ടിച്ചേർത്തു.
അഭിപ്രായങ്ങളുടെ ആധികാരികത ഉറപ്പിക്കുന്നതിന് വേണ്ടി കൃത്യമായ ഇ-മെയിൽ വിലാസവും ഫോട്ടോയും ഉൾപ്പെടുത്താൻ ശ്രമിക്കുക. രേഖപ്പെടുത്തപ്പെടുന്ന അഭിപ്രായങ്ങളിൽ 'ഏറ്റവും മികച്ചതെന്ന് ഞങ്ങളുടെ എഡിറ്റോറിയൽ ബോർഡിന്' തോന്നുന്നത് പൊതു ശബ്ദം എന്ന കോളത്തിലും സാമൂഹിക മാദ്ധ്യമങ്ങളിലും ഉൾപ്പെടുത്തും. ആവശ്യമെങ്കിൽ എഡിറ്റ് ചെയ്യും. ശ്രദ്ധിക്കുക; മലബാർ ന്യൂസ് നടത്തുന്ന അഭിപ്രായ പ്രകടനങ്ങളല്ല ഇവിടെ പോസ്റ്റ് ചെയ്യുന്നത്. ഇവയുടെ പൂർണ ഉത്തരവാദിത്തം രചയിതാവിനായിരിക്കും. അധിക്ഷേപങ്ങളും അശ്ളീല പദപ്രയോഗങ്ങളും നടത്തുന്നത് ശിക്ഷാർഹമായ കുറ്റമാണ്.
