മലപ്പുറം: സാമ്പത്തിക ശേഷിയുള്ളവർക്ക് സകാത്ത് ബോധവല്കരണം നൽകുന്നതിന് വേണ്ടി എസ്വൈഎസ് മലപ്പുറം ഈസ്റ്റ് ജില്ലാ കമ്മിറ്റി സംഘടിപ്പിക്കുന്ന സകാത്ത് അര്ബന് സംഗമങ്ങള്ക്ക് മലപ്പുറത്ത് തുടക്കം കുറിച്ചു. ആത്മാന്വേഷണത്തിന്റെ റമളാന് എന്ന പ്രമേയവുമായി സുന്നി യുവജന സംഘം ആചരിക്കുന്ന റമളാന് ക്യാംപയിനിന്റെ ഭാഗമായാണ് പരിപാടി സംഘടിപ്പിക്കുന്നത്.
അബ്ദുൽ അസീസ് ദാരിമി മുതിരിപ്പറമ്പ് അധ്യക്ഷനായ സംഗമം ഇപി അഹമദ് കുട്ടി മുസ്ലിയാര് അരിമ്പ്ര ഉൽഘാടനം ചെയ്തു. ളിയാഉദ്ദീന് ഫൈസി മേല്മുറിയാണ് ക്ളാസ് നയിച്ചത്. ഹുസൈന് മുസ്ലിയാര് അറവങ്കര, പികെ ലത്തീഫ് ഫൈസി, അന്വര് റഷീദ് ബാഖവി, ശമീര് ഹുദവി എന്നിവർ സംഗമത്തിൽ പങ്കെടുത്തു.
ഏപ്രില് 21ന് എടവണ്ണപാറ ടൗണ് ജുമാ മസ്ജിദിലും 24ന് പെരിന്തല്മണ്ണ ഇസ്ലാമിക് സെന്ററിലും 25ന് കാളികാവ് ഹിമ കെയറിലും 26ന് മഞ്ചേരി നെല്ലിക്കുത്ത് ടൗണ് മദ്റസ ഓഡിറ്റോറിയത്തിലും 27ന് നിലമ്പൂര് പാലുണ്ട മസ്ജിദുന്നൂറിലും മെയ് 1ന് കൊണ്ടോട്ടി ഖാസിയാരകത്തും സകാത്ത് അര്ബന് സംഗമങ്ങള് നടക്കുമെന്നും ഭാരവാഹികൾ അറിയിച്ചു.
പൈതൃകമാണ് വിജയം എന്ന പ്രമേയത്തില് ഡിസംബറില് നടക്കുന്ന സമസ്ത മലപ്പുറം ജില്ലാ ഗോള്ഡന് ജൂബിലിയുടെ ഭാഗമായി മമ്പുറം മഖാം സിയാറത്ത് ഏപ്രിൽ 20ന് ചൊവാഴ്ച രാവിലെ 9 മണിക്ക് നടക്കുമെന്നും സമസ്ത പ്രസിഡണ്ട് സയ്യിദ് മുഹമ്മദ് ജിഫ്രി മുത്തുക്കോയ തങ്ങള് നേതൃത്വം നല്കുമെന്നും മലപ്പുറം സുന്നി മഹൽ പത്രക്കുറിപ്പിൽ പറഞ്ഞു.
കേരളത്തിൽ റെക്കോർഡ് വേഗത്തിലാണ് കോവിഡ് കുതിച്ചുയരുന്നത് . ഇന്ന് കഴിഞ്ഞു ഇത്തരം പരിപാടികൾ സംഘടിപ്പിക്കുന്നവർ അതൊന്നു ഓർത്താൽ നല്ലതു. പൊതുവെ വിദ്യാഭ്യാസം കുറഞ്ഞവരെന്നു നമ്മൾ പറയുന്ന ഉത്തരേന്ത്യാക്കാർ കുംഭമേള വരെ നിർത്തിവച്ചത് നല്ലൊരു മാതൃകയാണ് . പ്രബുദ്ധ മലയാളികൾ ഓർത്താൽ നല്ലതു .
അഭിപ്രായങ്ങളുടെ ആധികാരികത ഉറപ്പിക്കുന്നതിന് വേണ്ടി കൃത്യമായ ഇ-മെയിൽ വിലാസവും ഫോട്ടോയും ഉൾപ്പെടുത്താൻ ശ്രമിക്കുക. രേഖപ്പെടുത്തപ്പെടുന്ന അഭിപ്രായങ്ങളിൽ 'ഏറ്റവും മികച്ചതെന്ന് ഞങ്ങളുടെ എഡിറ്റോറിയൽ ബോർഡിന്' തോന്നുന്നത് പൊതു ശബ്ദം എന്ന കോളത്തിലും സാമൂഹിക മാദ്ധ്യമങ്ങളിലും ഉൾപ്പെടുത്തും. ആവശ്യമെങ്കിൽ എഡിറ്റ് ചെയ്യും. ശ്രദ്ധിക്കുക; മലബാർ ന്യൂസ് നടത്തുന്ന അഭിപ്രായ പ്രകടനങ്ങളല്ല ഇവിടെ പോസ്റ്റ് ചെയ്യുന്നത്. ഇവയുടെ പൂർണ ഉത്തരവാദിത്തം രചയിതാവിനായിരിക്കും. അധിക്ഷേപങ്ങളും അശ്ളീല പദപ്രയോഗങ്ങളും നടത്തുന്നത് ശിക്ഷാർഹമായ കുറ്റമാണ്.
Does Covid Protocol Does not Applicable for them ?
കേരളത്തിൽ റെക്കോർഡ് വേഗത്തിലാണ് കോവിഡ് കുതിച്ചുയരുന്നത് . ഇന്ന് കഴിഞ്ഞു ഇത്തരം പരിപാടികൾ സംഘടിപ്പിക്കുന്നവർ അതൊന്നു ഓർത്താൽ നല്ലതു. പൊതുവെ വിദ്യാഭ്യാസം കുറഞ്ഞവരെന്നു നമ്മൾ പറയുന്ന ഉത്തരേന്ത്യാക്കാർ കുംഭമേള വരെ നിർത്തിവച്ചത് നല്ലൊരു മാതൃകയാണ് . പ്രബുദ്ധ മലയാളികൾ ഓർത്താൽ നല്ലതു .