ന്യൂഡെല്‍ഹി: സിപിഎം കേന്ദ്ര കമ്മിറ്റി യോഗം തുടരുന്നു, യോഗത്തിന്റെ അവസാന ദിവസമായ ഇന്ന് നിര്‍ണായക വിഷയങ്ങള്‍ ചര്‍ച്ചയാകും. ബംഗാളിലെ വരാനിരിക്കുന്ന നിയമസഭാ തിരഞ്ഞെടുപ്പില്‍ കോണ്‍ഗ്രസുമായി സഖ്യത്തില്‍ ഏര്‍പ്പെടുന്ന കാര്യത്തില്‍ അന്തിമ തീരുമാനം ഇന്ന് ഉണ്ടാകും.
നേരത്തെ വിഷയത്തില്‍ എതിര്‍പ്പ് പ്രകടിപ്പിച്ചിരുന്ന കേരളം ഘടകം തീരുമാനം മാറ്റാന്‍ തയ്യാറായതായി സൂചനകള്‍ ഉണ്ടായിരുന്നു. അതിന്റെ അടിസ്‌ഥാനത്തിലാവും അന്തിമ തീരുമാനം പ്രഖ്യാപിക്കുക.
കേരളം, തമിഴ്നാട്, അസം എന്നിവിടങ്ങളില്‍ നിയമസഭാ തിരഞ്ഞെടുപ്പ് വരാനിരിക്കെ അതുമായി ബന്ധപ്പെട്ടുള്ള തയ്യാറെടുപ്പുകളും യോഗത്തില്‍ ചര്‍ച്ച ചെയ്യും. കേരളത്തിലെ അസാധാരണ രാഷ്‌ട്രീയ സാഹചര്യങ്ങളില്‍ സര്‍ക്കാരിനും പാര്‍ട്ടി സംസ്‌ഥാന ഘടകത്തിനും പൂര്‍ണ പിന്തുണ നല്‍കുന്ന നിലപാടാണ് കേന്ദ്ര കമ്മിറ്റി സ്വീകരിച്ചത്.
നേരത്തെ സ്വീകരിച്ച നിലപാടില്‍ മാറ്റം വരുത്തേണ്ട കാര്യമില്ലെന്നാണ് ഭൂരിഭാഗം അംഗങ്ങളുടെയും അഭിപ്രായം. കേന്ദ്ര സര്‍ക്കാര്‍ അന്വേഷണ ഏജന്‍സികളെ രാഷ്‌ട്രീയമായി ഉപയോഗിക്കുന്നതിനെ ഗൗരവത്തോടെ കാണണമെന്ന് കമ്മിറ്റി വിലയിരുത്തി.
അഭിപ്രായങ്ങളുടെ ആധികാരികത ഉറപ്പിക്കുന്നതിന് വേണ്ടി കൃത്യമായ ഇ-മെയിൽ വിലാസവും ഫോട്ടോയും ഉൾപ്പെടുത്താൻ ശ്രമിക്കുക. രേഖപ്പെടുത്തപ്പെടുന്ന അഭിപ്രായങ്ങളിൽ 'ഏറ്റവും മികച്ചതെന്ന് ഞങ്ങളുടെ എഡിറ്റോറിയൽ ബോർഡിന്' തോന്നുന്നത് പൊതു ശബ്‌ദം എന്ന കോളത്തിലും സാമൂഹിക മാദ്ധ്യമങ്ങളിലും ഉൾപ്പെടുത്തും. ആവശ്യമെങ്കിൽ എഡിറ്റ് ചെയ്യും. ശ്രദ്ധിക്കുക; മലബാർ ന്യൂസ് നടത്തുന്ന അഭിപ്രായ പ്രകടനങ്ങളല്ല ഇവിടെ പോസ്‌റ്റ് ചെയ്യുന്നത്. ഇവയുടെ പൂർണ ഉത്തരവാദിത്തം രചയിതാവിനായിരിക്കും. അധിക്ഷേപങ്ങളും അശ്‌ളീല പദപ്രയോഗങ്ങളും നടത്തുന്നത് ശിക്ഷാർഹമായ കുറ്റമാണ്.
