ആലപ്പുഴ: പുന്നപ്ര-വയലാർ രക്‌തസാക്ഷി മണ്ഡപത്തിൽ പുഷ്‌പാർച്ചന നടത്തിയ ബിജെപി സ്‌ഥാനാർഥി സന്ദീപ് വചസ്‌പതിയെ പിന്തുണച്ച് തുഷാർ വെള്ളാപ്പള്ളി. ആർക്കും കയറാവുന്ന സ്‌ഥലമാണ് പുന്നപ്ര വയലാർ സ്‌മാരകം. സ്വാതന്ത്ര്യ സമരമല്ല നടന്നതെന്ന് ചരിത്രം അറിയുന്നവർക്ക് അറിയാം; വചസ്‌പതിയുടെ നടപടിയെ ന്യായീകരിച്ച്‌ തുഷാർ വെള്ളാപ്പള്ളി പറഞ്ഞു.
നാമനിർദേശ പത്രിക സമർപ്പിക്കുന്നതിന് മുൻപാണ് അപ്രതീക്ഷിതമായി പുന്നപ്ര-വയലാർ രക്‌തസാക്ഷി മണ്ഡപത്തിന്റെ പൂട്ട് തല്ലിത്തകർത്ത് അതിക്രമിച്ചു കയറി ബിജെപി സ്‌ഥാനാർഥി സന്ദീപ് വചസ്‌പതി പുഷ്‌പാർച്ചന നടത്തിയത്. വിഷയത്തിൽ മുഖ്യമന്ത്രി ഉൾപ്പെടെയുള്ളവർ സന്ദീപ് വചസ്‌പതിക്കെതിരെ രംഗത്തെത്തിയിരുന്നു.
Read also: തലശ്ശേരിയിൽ ബിജെപി സ്‌ഥാനാർഥിയുടെ പത്രിക തള്ളിയ സംഭവം; പിഴവിൽ അസ്വാഭാവികത; കെകെ ശൈലജ
