തിരുവനന്തപുരം: വിസ്മയയുടെ ആത്മഹത്യയുമായി ബന്ധപ്പെട്ട് പ്രതിയായ ഭർത്താവ് കിരൺ കുമാർ മോട്ടോർ വാഹന വകുപ്പിൽ നിന്ന് പിരിച്ചുവിട്ട നടപടി സർവീസ് റൂൾ അനുസരിച്ചാണെന്ന് മന്ത്രി ആന്റണി രാജു. ക്രിമിനൽ കേസിലെ വിധി സർവീസ് ചട്ടത്തിന് ബാധകമല്ല. കിരൺകുമാറിന്റെ വിശദീകരണം നിയമപരമായി നിലനിൽക്കില്ലെന്നും മന്ത്രി പറഞ്ഞു.
കിരൺ കുമാർ മോട്ടോർ വാഹന വകുപ്പിൽ നിന്ന് പിരിച്ചുവിടാതിരിക്കാൻ കാരണം ബോധിപ്പിക്കാൻ കൂടുതൽ സമയം വേണമെന്ന് ആവശ്യപ്പെട്ടിരുന്നു. പോലീസ് കേസ് നിലനിൽക്കുന്നതിനാൽ നടപടി എടുക്കരുതെന്നും ആവശ്യപ്പെട്ടിരുന്നുവെന്ന് മന്ത്രി വ്യക്തമാക്കി.
അസി. മോട്ടോര് വെഹിക്കിള് ഇൻസ്പെക്ടറായ കിരണ്കുമാറിനെ സര്വീസില് നിന്ന് പിരിച്ചുവിട്ട് ഉത്തരവിറങ്ങിയത് കഴിഞ്ഞ ദിവസമാണ്. കേരള സിവില് സര്വീസ് ചട്ടം അനുസരിച്ചായിരുന്നു നടപടി. അന്വേഷണം പൂര്ത്തിയാകും മുന്പ് സര്വീസില് നിന്ന് പിരിച്ചുവിടുന്നത് അപൂര്വ നടപടിയാണ്. കിരണിന് ഇനി സര്ക്കാര് സര്വീസില് ജോലി ലഭിക്കുകയോ പെന്ഷന് ഉള്പ്പെടെയുള്ള ആനുകൂല്യങ്ങള് ലഭിക്കുകയോ ഇല്ല.
ജൂണ് 21നാണ് വിസ്മയയെ കൊല്ലം പോരുവഴിയിലെ ഭര്തൃവീട്ടില് തൂങ്ങി മരിച്ചനിലയില് കണ്ടെത്തിയത്. സ്ത്രീ പീഡനത്തെ തുടര്ന്നുള്ള കൊലപാതകമാണിതെന്ന് ആയിരുന്നു വിസ്മയയുടെ മാതാപിതാക്കളുടെ ആരോപണം. കിരണിനെതിരെ സ്ത്രീ ധന പീഡനത്തിനും ഗാര്ഹിക പീഡനത്തിനും കേസെടുത്തിരുന്നു.
അഭിപ്രായങ്ങളുടെ ആധികാരികത ഉറപ്പിക്കുന്നതിന് വേണ്ടി കൃത്യമായ ഇ-മെയിൽ വിലാസവും ഫോട്ടോയും ഉൾപ്പെടുത്താൻ ശ്രമിക്കുക. രേഖപ്പെടുത്തപ്പെടുന്ന അഭിപ്രായങ്ങളിൽ 'ഏറ്റവും മികച്ചതെന്ന് ഞങ്ങളുടെ എഡിറ്റോറിയൽ ബോർഡിന്' തോന്നുന്നത് പൊതു ശബ്ദം എന്ന കോളത്തിലും സാമൂഹിക മാദ്ധ്യമങ്ങളിലും ഉൾപ്പെടുത്തും. ആവശ്യമെങ്കിൽ എഡിറ്റ് ചെയ്യും. ശ്രദ്ധിക്കുക; മലബാർ ന്യൂസ് നടത്തുന്ന അഭിപ്രായ പ്രകടനങ്ങളല്ല ഇവിടെ പോസ്റ്റ് ചെയ്യുന്നത്. ഇവയുടെ പൂർണ ഉത്തരവാദിത്തം രചയിതാവിനായിരിക്കും. അധിക്ഷേപങ്ങളും അശ്ളീല പദപ്രയോഗങ്ങളും നടത്തുന്നത് ശിക്ഷാർഹമായ കുറ്റമാണ്.
