കൊച്ചി: സില്വര് ലൈന് പദ്ധതിയുമായി ബന്ധപ്പെട്ട ഹൈക്കോടതി സിംഗിള് ബെഞ്ച് ഉത്തരവ് റദ്ദാക്കണമെന്ന് ആവശ്യപ്പെട്ട് സംസ്ഥാന സര്ക്കാര് സമർപ്പിച്ച അപ്പീൽ ഹൈക്കോടതി ഡിവിഷന് ബെഞ്ച് നാളത്തേക്ക് മാറ്റി. സില്വര് ലൈന് സര്വേ നടപടിക്കെതിരെ കോടതിയെ സമീപിച്ചവരുടെ ഭൂമിയിലെ സര്വേ നടപടികള് തടഞ്ഞ ഉത്തരവ് റദ്ദാക്കണം എന്നാവശ്യപ്പെട്ടാണ് സര്ക്കാര് അപ്പീലുമായി ഡിവിഷന് ബെഞ്ചിനെ സമീപിച്ചത്.
സിംഗിള് ബഞ്ച് ഉത്തരവ് സര്ക്കാരിന്റെ വാദങ്ങള് കണക്കിലെടുക്കാതെ ആണെന്ന് അപ്പീലില് സര്ക്കാര് ചൂണ്ടിക്കാട്ടുന്നു. പരാതിക്കാരുടെ ഹരജിയിലെ പരിഗണനാ വിഷയങ്ങള്ക്ക് അപ്പുറം കടന്നാണ് സിംഗിള് ബഞ്ചിന്റെ ഇടക്കാല ഉത്തരവെന്നും സര്ക്കാര് അപ്പീലില് പറഞ്ഞു. സര്വേ നിര്ത്തിവെക്കാനുള്ള ഇടക്കാല ഉത്തരവ് സംസ്ഥാന വ്യാപകമായി സമാനമായ വ്യവഹാരങ്ങള്ക്ക് വഴി വെക്കുമെന്ന ആശങ്കയും സര്ക്കാര് കോടതിയെ അറിയിച്ചു.
സാമൂഹികാഘാത സര്വേ നിര്ത്തി വെക്കുന്നത് പദ്ധതി വൈകാന് കാരണമാകും. ഇത് പദ്ധതി ചിലവ് ഉയരാന് ഇടയാക്കും. പദ്ധതിയുടെ ഡിപിആര് തയ്യാറാക്കിയത് വിശദീകരിക്കണമെന്ന ഹൈക്കോടതി സിംഗിള് ബഞ്ച് ഉത്തരവിലെ നിർദ്ദേശം ഒഴിവാക്കണമെന്നും അപ്പീലില് സര്ക്കാര് ആവശ്യപ്പെട്ടു.
അഭിപ്രായങ്ങളുടെ ആധികാരികത ഉറപ്പിക്കുന്നതിന് വേണ്ടി കൃത്യമായ ഇ-മെയിൽ വിലാസവും ഫോട്ടോയും ഉൾപ്പെടുത്താൻ ശ്രമിക്കുക. രേഖപ്പെടുത്തപ്പെടുന്ന അഭിപ്രായങ്ങളിൽ 'ഏറ്റവും മികച്ചതെന്ന് ഞങ്ങളുടെ എഡിറ്റോറിയൽ ബോർഡിന്' തോന്നുന്നത് പൊതു ശബ്ദം എന്ന കോളത്തിലും സാമൂഹിക മാദ്ധ്യമങ്ങളിലും ഉൾപ്പെടുത്തും. ആവശ്യമെങ്കിൽ എഡിറ്റ് ചെയ്യും. ശ്രദ്ധിക്കുക; മലബാർ ന്യൂസ് നടത്തുന്ന അഭിപ്രായ പ്രകടനങ്ങളല്ല ഇവിടെ പോസ്റ്റ് ചെയ്യുന്നത്. ഇവയുടെ പൂർണ ഉത്തരവാദിത്തം രചയിതാവിനായിരിക്കും. അധിക്ഷേപങ്ങളും അശ്ളീല പദപ്രയോഗങ്ങളും നടത്തുന്നത് ശിക്ഷാർഹമായ കുറ്റമാണ്.
