കോഴിക്കോട്: മന്ത്രി അഹമ്മദ് ദേവർകോവിലിന്റെ വാഹനത്തിന് സൈഡ് കൊടുത്തില്ലെന്ന് ആരോപിച്ചു യുവാവിന് നേരെ പോലീസ് മർദ്ദനം. മലപ്പുറം ചേളാരി സ്വദേശി മുഹമ്മദ് സാദിഫിനെയാണ് പോലീസ് മർദ്ദിച്ചത്. കോഴിക്കോട് സൗത്ത് ബീച്ച് പരിസരത്തു വെച്ചാണ് സംഭവം. മന്ത്രിയുടെ വാഹനത്തിന് അകമ്പടി പോയ പോലീസുകാരാണ് സാദിഫിനെ മർദ്ദിച്ചത്.
മീൻ ലോറിയിലെ ഡ്രൈവറായിരുന്നു സാദിഫ്. ചോമ്പാലയിൽ നിന്ന് പരപ്പനങ്ങാടിയിലേക്ക് പോവുകയായിരുന്നു സാദിഫ്. കോഴിക്കോട് സൗത്ത് ബീച്ച് വഴിയാണ് പോയത്. ഈ സമയം മന്ത്രി അഹമ്മദ് ദേവർകോവിലിന്റെ വാഹനവും ഈ വഴി കടന്നു പോയിരുന്നു.
മന്ത്രിയുടെ വാഹനത്തിന് സൈഡ് കൊടുത്തില്ലെന്ന് പറഞ്ഞു അകമ്പടി പോയ പോലീസുകാർ യുവാവിനെ ചോദ്യം ചെയ്യുകയും മർദ്ദിക്കുകയുമായിരുന്നു. പോലീസ് മർദ്ദനത്തെ തുടർന്ന് സാദിഫ് കോഴിക്കോട് ബീച്ച് ആശുപത്രിയിൽ ചികിൽസ തേടി. ഇയാളുടെ കൈക്ക് പരിക്കുണ്ട്. ഇതോടെ ക്ഷുഭിതരായ നാട്ടുകാർ മന്ത്രിയെ തടഞ്ഞു പ്രതിഷേധിക്കുകയും ചെയ്തു.
Most Read: കുട്ടികളെ ബുദ്ധിമുട്ടിക്കരുത്, മഴയുണ്ടെങ്കിൽ തലേദിവസം അവധി പ്രഖ്യാപിക്കണം; വിദ്യാഭ്യാസ മന്ത്രി
