കൊച്ചി: തൃക്കാക്കരയിൽ ഇടത് മുന്നണിക്ക് വേണ്ടി ഒറ്റക്കെട്ടായി പ്രവർത്തിക്കുമെന്ന് അഡ്വ. കെഎസ് അരുൺ കുമാർ. സ്‌ഥാനാർഥിയുടെ കാര്യത്തിൽ ആശയക്കുഴപ്പങ്ങളില്ലെന്നും വിജയം നേടി ഇടതുമുന്നണി നിയമസഭയിൽ സെഞ്ച്വറി തികയ്‌ക്കുമെന്നും അരുൺ കുമാർ. സ്‌ഥാനാർഥി പ്രഖ്യാപന അഭ്യൂഹങ്ങൾക്ക് പിന്നാലെ ആദ്യമായാണ് അരുൺ കുമാറിന്റെ പ്രതികരണം.
സ്‌ഥാനാർഥിയായേക്കുമെന്ന അഭ്യൂഹങ്ങളോടും ചുവരെഴുത്തുകളോടും പ്രതികരിക്കാൻ തയ്യാറാകാതിരുന്ന അരുൺ കുമാർ, അതെല്ലാം ഇടത് നേതാക്കൾ വിശദീകരിച്ചല്ലോ എന്ന് പറഞ്ഞൊഴിഞ്ഞു. ഇടത് മുന്നണിയുടെ സ്‌ഥാനാർഥിയെ എൽഡിഎഫ് കൺവീനറും നേതാക്കളും ചേർന്ന് ഇന്നാണ് പ്രഖ്യാപിച്ചത്. സ്‌ഥാനാർഥിക്ക് വേണ്ടി ആവശോജ്വലമായ പ്രവർത്തനങ്ങളുമായി ഞങ്ങൾ മുന്നോട്ട് പോകും.
എൽഡിഎഫിന്റെ സ്‌ഥാനാർഥി മികച്ച ഡോക്‌ടറും, പൊതുപ്രവർത്തകനും, എഴുത്തുകാരനുമാണ്. ഇത്തവണത്തെ വിജയത്തോടെ സെഞ്ചുറി തികയ്‌ക്കാൻ ഇടത് മുന്നണിക്ക് കഴിയും. സ്‌ഥാനാർഥി പ്രഖ്യാപവുമായി ബന്ധപ്പെട്ട ട്രോളുകളെ ഭയക്കുന്നില്ലെന്നും അതിനെ രാഷ്‌ട്രീയമായി മാത്രമാണ് കാണുന്നതെന്നും ഇദ്ദേഹം കൂട്ടിച്ചേർത്തു.
അഭിപ്രായങ്ങളുടെ ആധികാരികത ഉറപ്പിക്കുന്നതിന് വേണ്ടി കൃത്യമായ ഇ-മെയിൽ വിലാസവും ഫോട്ടോയും ഉൾപ്പെടുത്താൻ ശ്രമിക്കുക. രേഖപ്പെടുത്തപ്പെടുന്ന അഭിപ്രായങ്ങളിൽ 'ഏറ്റവും മികച്ചതെന്ന് ഞങ്ങളുടെ എഡിറ്റോറിയൽ ബോർഡിന്' തോന്നുന്നത് പൊതു ശബ്‌ദം എന്ന കോളത്തിലും സാമൂഹിക മാദ്ധ്യമങ്ങളിലും ഉൾപ്പെടുത്തും. ആവശ്യമെങ്കിൽ എഡിറ്റ് ചെയ്യും. ശ്രദ്ധിക്കുക; മലബാർ ന്യൂസ് നടത്തുന്ന അഭിപ്രായ പ്രകടനങ്ങളല്ല ഇവിടെ പോസ്‌റ്റ് ചെയ്യുന്നത്. ഇവയുടെ പൂർണ ഉത്തരവാദിത്തം രചയിതാവിനായിരിക്കും. അധിക്ഷേപങ്ങളും അശ്‌ളീല പദപ്രയോഗങ്ങളും നടത്തുന്നത് ശിക്ഷാർഹമായ കുറ്റമാണ്.
