ചുരുങ്ങിയ കാലം കൊണ്ട് പ്രേക്ഷകരുടെ മനം കവർന്ന താരമായ അന്ന ബെന്നിനെ കേന്ദ്ര കഥാപാത്രമാക്കി ജൂഡ് ആന്റണി ജോസഫ് സംവിധാനം ചെയ്ത ചിത്രം ‘സാറാസി’ന്റെ റിലീസ് വിവിരങ്ങള് പുറത്തുവിട്ടു. ചിത്രം ആമസോണ് പ്രൈമിലാണ് റിലീസ് ചെയ്യുന്നത്. ജൂലൈ 5നാണ് റിലീസ്.
അന്ന ബെന്നിന്റെ നായകനായി സണ്ണി വെയിൻ എത്തുന്ന ഈ ചിത്രത്തിൽ വിനീത് ശ്രീനിവാസന്, അജു വര്ഗീസ്, സിജു വില്സണ്, ശ്രിന്ദ തുടങ്ങിയവരും മറ്റു പ്രധാന വേഷങ്ങളെ അവതരിപ്പിക്കുന്നു. ഇവരെക്കൂടാതെ അന്ന ബെന്നിന്റെ പിതാവ് കൂടിയായ തിരക്കഥാകൃത്ത് ബെന്നി പി നായരമ്പലവും പ്രശാന്ത് നായര് ഐഎഎസും സുപ്രധാന വേഷങ്ങളില് എത്തുന്നുണ്ട് എന്നതും ചിത്രത്തിന്റെ പ്രത്യേകതയാണ്.
പികെ മുരളീധരന്, ശാന്ത മുരളി എന്നിവര് ചേർന്നാണ് ചിത്രം നിർമിച്ചിക്കുന്നത്. ഡോ. അക്ഷയ് ഹരീഷ് തിരക്കഥ ഒരുക്കിയ ചിത്രത്തിന്റെ ഛായാഗ്രഹണം നിമിഷ് രവിയും എഡിറ്റിംഗ് റിയായി ബദറും നിര്വഹിക്കുന്നു. ഷാന് റഹ്മാനാണ് ചിത്രത്തിനായി സംഗീതം ഒരുക്കിയിരിക്കുന്നത്.
ഷോപ്പിംഗ് മാള്, ആശുപത്രി, ചന്ത, തിയേറ്റര്, മെട്രോ തുടങ്ങിയ തിരക്കേറിയ സ്ഥലങ്ങളിൽ കോവിഡ് മാനദണ്ഡങ്ങൾ പാലിച്ചായിരുന്നു ചിത്രത്തിന്റെ ഷൂട്ടിങ് നടന്നത്.
Most Read: ഫ്രാൻസിനെതിരെ ഇരട്ട ഗോൾ; വീണ്ടും റെക്കോർഡ് നേട്ടവുമായി റൊണാൾഡോ