ആന്റണി വർഗ്ഗീസ് നായകനായെത്തുന്ന ‘അജഗജാന്തരം‘ ഒഫീഷ്യൽ പോസ്റ്റർ പുറത്ത് വിട്ടു. ഉത്സവപറമ്പിൽ നടക്കുന്ന സംഘട്ടനത്തിന്റെ പശ്ചാത്തലത്തിലുള്ള പോസ്റ്ററാണ് പുറത്തു വന്നിരിക്കുന്നത്. ചിത്രം അടിയും ഇടിയും നിറഞ്ഞ ഒരു സമ്പൂർണ ആക്ഷൻ ചിത്രമായിരിക്കുമെന്ന പ്രതീക്ഷയാണ് പോസ്റ്റർ പങ്കുവെക്കുന്നത്.
ആന്റണി വർഗ്ഗീസിനെ നായകനാക്കി ഒരുക്കിയ ‘സ്വാതന്ത്ര്യം അർദ്ധരാത്രിയിൽ’ എന്ന സിനിമയുടെ സംവിധായകൻ ടിനു പാപ്പച്ചനാണ് ‘അജഗജാന്തരം’ ഒരുക്കുന്നത്. ആനപ്പാപ്പാൻ ആയാണ് ആന്റണി ചിത്രത്തിലെത്തുന്നതെന്നാണ് സൂചനകൾ. ആന്റണിയെ കൂടാതെ അർജുൻ അശോകൻ, ചെമ്പൻ വിനോദ് ജോസ്, സുധി കോപ്പ, ജാഫർ ഇടുക്കി തുടങ്ങി വലിയൊരു താരനിര തന്നെ ചിത്രത്തിൽ അണിനിരക്കുന്നുണ്ട്. ജിന്റോ ജോസഫാണ് ഛായാഗ്രഹണം നിർവഹിക്കുന്നത്. അജിത് തലപ്പിള്ളി, ഇമ്മാനുവേൽ തോമസ് എന്നിവർ ചേർന്ന് നിർമിക്കുന്ന ചിത്രത്തിന്റെ എഡിറ്റിംഗ് ചെയ്യുന്നത് ഷമീർ മുഹമ്മദാണ്.
