2020ലെ ബ്ലോക്ക്ബസ്റ്റര്‍ മലയാളം സിനിമയായ അഞ്ചാം പാതിരക്ക് ഹിന്ദി പതിപ്പൊരുങ്ങുന്നു. മിഥുന്‍ മാനുവല്‍ തോമസ് സംവിധാനം ചെയ്ത ചിത്രം, റിലയന്‍സ് എന്റര്‍ടൈന്‍മെന്റ്‌സും ആഷിക് ഉസ്മാന്‍ പ്രൊഡക്ഷന്‍സും എപി ഇന്റര്‍നാഷണലും ചേര്‍ന്നാണ് ഹിന്ദിയില്‍ നിര്‍മ്മിക്കുന്നത്.
പ്രേക്ഷകശ്രദ്ധയും നിരൂപകപ്രശംസയും ഒരുപോലെ ഏറ്റുവാങ്ങിയ കുറ്റാന്വേഷണ സിനിമയായിരുന്നു അഞ്ചാം പാതിര. സീരിയല്‍ കൊലപാതകത്തിന്റെ പ്രമേയമവതരിപ്പിച്ച സിനിമയില്‍ കുഞ്ചാക്കോ ബോബനാണ് കേന്ദ്രകഥാപാത്രത്തെ അവതരിപ്പിച്ചത്. ഷറഫുദ്ദിന്‍, ഉണ്ണിമായ പ്രസാദ്, ജിനു ജോസഫ്, ശ്രീനാഥ് ഭാസി, രമ്യ നമ്പീശന്‍ തുടങ്ങി വലിയൊരു താരനിര തന്നെ ചിത്രത്തില്‍ അണിനിരന്നിരുന്നു.
