ചലച്ചിത്ര പ്രേമികള്ക്ക് സന്തോഷം പകരുന്ന വാര്ത്തയുമായി സംവിധായകന് ജെയിംസ് കാമറൂണ്. ഹോളിവുഡ് വിസ്മയം അവതാറിന്റെ രണ്ടാം ഭാഗം ചിത്രീകരണം പൂര്ത്തിയായെന്നും, മൂന്നാം ഭാഗത്തിന്റെ ചിത്രീകരണം ഭൂരിഭാഗവും തീര്ന്നുവെന്നുമുള്ള വാര്ത്ത പുറത്തുവിട്ടിരിക്കുകയാണ് സംവിധായകന്. ലോക്ക്ഡൗണ് പ്രതിസന്ധിക്കിടയിലും അവതാറിന്റെ ചിത്രീകരണവുമായി സംവിധായകന് മുന്നോട്ട് പോയിരുന്നു. ന്യൂസിലന്ഡില് വെച്ചായിരുന്നു ചിത്രത്തിന്റെ ഭൂരിഭാഗവും ചിത്രീകരിച്ചത്. എന്നാല് കോവിഡ് പടരുന്ന സാഹചര്യത്തില് ചിത്രത്തിന്റെ റിലീസ് ഉടന് ഉണ്ടാകില്ലെന്നാണ് പുറത്തുവരുന്ന റിപ്പോര്ട്ടുകള്.
മനുഷ്യരും പണ്ടോറയിലെ നവി വംശക്കാരും തമ്മിലുള്ള പോരാട്ടത്തിന്റെ കഥ പറഞ്ഞ അവതാര് 2009ലാണ് ആദ്യമായി പ്രേക്ഷകര്ക്ക് മുന്നിലെത്തിയത്. അവതാറിന്റെ ഒന്നാം ഭാഗം തീര്ത്ത വിസ്മയലോകം രണ്ടാം ഭാഗത്തിലും ആവര്ത്തിക്കുമെന്നാണ് സിനിമാ ലോകത്തിന്റ പ്രതീക്ഷ. അവതാറിന് തുടര്ഭാഗങ്ങളുണ്ടാകുമെന്ന് 2012ലാണ് കാമറൂണ് പ്രഖ്യാപിച്ചത്. ചിത്രത്തിന്റെ 4 ഭാഗങ്ങളാണ് ആലോചനയിലുള്ളത്.
Read also: ഒന്പത് വര്ഷങ്ങള്; ‘ഡാം 999’ന്റെ നിരോധനം വീണ്ടും നീട്ടി തമിഴ്നാട്