ഇന്ത്യയുടെ ഔദ്യോഗിക ഓസ്‌കർ എൻട്രിയായി മലയാളത്തിന്റെ അഭിമാനമായ ജല്ലിക്കട്ടിന് തമിഴ് സംവിധായകൻ ശങ്കറിന്റെ പ്രശംസ. കഴിഞ്ഞ കുറച്ച് നാളുകൾക്ക് ഇടയിൽ ആസ്വദിച്ച ഏറ്റവും മികച്ച പശ്‌ചാത്തല സംഗീതങ്ങളിൽ ഒന്ന് ജല്ലിക്കട്ടിലേത് ആണെന്ന് ശങ്കർ പറഞ്ഞു. ട്വിറ്ററിലൂടെ ആയിരുന്നു ശങ്കറിന്റെ പ്രതികരണം. പ്രശാന്ത് പിള്ളയായിരുന്നു ചിത്രത്തിന് വേണ്ടി സംഗീതം ഒരുക്കിയത്. സൂര്യയുടെ ഏറ്റവും പുതിയ ചിത്രമായ സൂററൈ പോട്രുവിനും ശങ്കർ മികച്ച പ്രതികരണം രേഖപ്പെടുത്തി.
Recently enjoyed …
Soorarai potru movie, with soulful music by GV Prakash.Excellent cinematography by Edwin sakay in the movie Andhaghaaram.
Remarkable and really different Background score by Prashant pillai for the Malayalam film Jallikkattu
— Shankar Shanmugham (@shankarshanmugh) December 8, 2020
ലിജോയുടെ ഏഴാമത്തെ സിനിമയാണ് ജല്ലിക്കട്ട്. ആന്റണി വര്‍ഗീസ്, സാബുമോന്‍ അബ്‌ദുൾ സമദ് തുടങ്ങി ഒരുപിടി മികച്ച താരനിരയാണ് ചിത്രത്തിലുള്ളത്. നേരത്തെ, ആമേന്‍, അങ്കമാലി ഡയറീസ്, ഈമയൗ തുടങ്ങിയ ശ്രദ്ധേയമായ പല സിനിമകളും ലിജോയുടെ സംവിധാനത്തില്‍ പുറത്തിറങ്ങിയിരുന്നു. തമിഴ് സംവിധായകൻ സെൽവരാഘവൻ ജല്ലിക്കെട്ടിനു ഓസ്‌കർ സാധ്യതയുണ്ടെന്ന് അഭിപ്രായം പങ്കുവച്ചിരുന്നു.
Read Also: അനില്‍ കപൂറും അനുരാഗ് കശ്യപും നേര്‍ക്കുനേര്‍; ‘എകെ വേര്‍സസ് എകെ’ ട്രെയ്ലര്‍ പുറത്ത്
