ന്യൂഡെൽഹി: ഹരിയാനയിൽ അക്രമികളിൽ നിന്നും രക്ഷപെടുന്നതിനായി പുഴയിൽ ചാടിയ 5 പേർ മുങ്ങിമരിച്ചു. സംസ്‌ഥാനത്തെ യമുന നഗർ ബുറിയ മേഖലയിലാണ് സംഭവം. പൂർവ വൈരാഗ്യത്തെ തുടർന്നാണ് 30 അംഗ സംഘം ആക്രമിക്കാനായി എത്തിയത്. ഇവരിൽ നിന്നും രക്ഷപെടുന്നതിനായി 10 പേർ പുഴയിൽ ചാടുകയായിരുന്നു. ഇവരിൽ 5 പേർ മുങ്ങിമരിക്കുകയും ചെയ്‌തു.
വെസ്‌റ്റേൺ യമുന കനാലിൽ നിന്നുമാണ് മരിച്ചവരുടെ മൃതദേഹങ്ങൾ കണ്ടെത്തിയത്. ബാക്കിയുള്ള 5 പേർ നീന്തി രക്ഷപെടുകയായിരുന്നു. ആക്രമിക്കാൻ എത്തിയ സംഘം യുവാക്കൾക്ക് നേരെ കല്ലെറിഞ്ഞെന്നും, രക്ഷപെടാൻ മറ്റ് വഴികൾ ഇല്ലാതെ പുഴയിൽ ചാടുകയായിരുന്നു എന്നും യമുന നഗർ പോലീസ് വ്യക്‌തമാക്കി.
Read also: ഭീകരവാദം; മൂന്ന് പേരുടെ വധശിക്ഷ നടപ്പാക്കി സൗദി
