സംസ്ഥാനത്ത് ഇന്ന് അഞ്ച് ജില്ലകളില് യെല്ലോ അലര്ട്ട്. അറബിക്കടലില് ന്യൂനമര്ദം രൂപപ്പെട്ടതിനാല് കനത്ത മഴ ഇന്നും തുടരുമെന്ന് കാലാവസ്ഥാ നിരീക്ഷണ കേന്ദ്രം അറിയിച്ചു. കടലിലെ മത്സ്യബന്ധനത്തിന് വിലക്ക് ഏര്പ്പെടുത്തിയിട്ടുണ്ട്. വ്യാഴാഴ്ച വരെ അതിശക്തമായ മഴ ഉണ്ടാകുമെന്ന് മുന്നറിയിപ്പുണ്ട്.
മലപ്പുറം, കോഴിക്കോട്, വയനാട്, കണ്ണൂര്, കാസര്ഗോഡ് ജില്ലകളിലാണ് യെല്ലോ അലര്ട്ട് പ്രഖ്യാപിച്ചത്. തെക്ക്-കിഴക്ക് അറബിക്കടലിലും, അതിനോട് ചേര്ന്നുള്ള മധ്യ-കിഴക്ക് അറബിക്കടലിലുമായാണ് ന്യൂനമര്ദം രൂപപ്പെട്ടിരിക്കുന്നത്. 24 മണിക്കൂറില് 64.5 മില്ലി ലിറ്റര് മുതല് 115.5 മില്ലി ലിറ്റര് വരെ മഴ ലഭിക്കുമെന്നാണ് കാലാവസ്ഥാ നിരീക്ഷണ കേന്ദ്രത്തിന്റെ പ്രവചനം. താഴ്ന്ന പ്രദേശങ്ങളിലുള്ളവര് ജാഗ്രത പാലിക്കണ്ടതാണ്. കനത്ത മഴക്കൊപ്പം ശക്തമായ കാറ്റുണ്ടാകുമെന്നും മുന്നറിയിപ്പുണ്ട്.