പ്രശാന്ത് മുരളി കഥ, തിരക്കഥ, സംഭാഷണമൊരുക്കി സംവിധാനം ചെയ്യുന്ന ചിത്രം ‘ലാൽബാഗി’ന്റെ ടീസർ പുറത്തിറങ്ങി. മംമ്ത മോഹൻദാസ് പ്രധാനവേഷത്തിൽ എത്തുന്ന ചിത്രം മെയ് 28ന് മലയാളം, തമിഴ്, തെലുങ്ക് ഭാഷകളിലായി പുറത്തിറങ്ങും.
‘പൈസ പൈസ’ എന്ന ചിത്രത്തിനു ശേഷം പ്രശാന്ത് മുരളി സംവിധാനം ചെയ്യുന്ന സിനിമയാണിത്. സെലിബ്സ് ആൻഡ് റെഡ്‌കാർപെറ്റ് ഫിലിംസിന്റെ ബാനറിൽ രാജ് സഖറിയാസ് നിർമിക്കുന്ന ‘ലാൽബാഗ്’ ത്രില്ലർ സ്വഭാവമുള്ള ഒരു കുടുംബ ചിത്രമായിരിക്കും എന്നാണ് പുറത്തുവരുന്ന റിപ്പോർട്ടുകൾ. ഏറെ നിഗൂഢതകൾ ഒളിപ്പിച്ചു വെക്കുന്ന ടീസറിന് മികച്ച പ്രതികരണമാണ് ലഭിക്കുന്നത്.
ബെംഗളൂരുവിൽ ജോലി നോക്കുന്ന മലയാളി നഴ്‌സായാണ് ചിത്രത്തിൽ മംമ്ത എത്തുന്നത്. പൂർണമായും ബെംഗളൂരുവിൽ ആയിരുന്നു ‘ലാൽബാഗി’ന്റെ ചിത്രീകരണം.
രാഹുൽ രാജാണ് ചിത്രത്തിനായി സംഗീതമൊരുക്കുന്നത്. ആൻറണി ജോ ഛായാഗ്രഹണം നിർവഹിക്കുന്ന ചിത്രത്തിൽ രാഹുൽ മാധവ്, സിജോയ് വർഗീസ്, നേഹ സക്‌സേന, നന്ദിനി റായ്, രാഹുൽ ദേവ് ഷെട്ടി തുടങ്ങിയവരും അണിനിരക്കുന്നു.
Read Also: മൂന്ന് ഗിന്നസ് റെക്കോർഡ് നേടിത്തന്ന കാർക്കൂന്തലിന് വിട; 12 വർഷത്തിന് ശേഷം മുടി വെട്ടി നിലാൻഷി
