മക്ക: സൗദിയിലെ സ്വദേശികളും വിദേശികളുമായ ആഭ്യന്തര തീർഥാടകർക്കുള്ള രണ്ടിനം ഹജ്‌ജ് പാക്കേജുകൾ പ്രഖ്യാപിച്ചു. 4000 ദിർഹം മുതൽ 13,000 റിയാൽ വരെയുള്ള പാക്കേജുകളാണ് ഹജ്‌ജ്, ഉംറ മന്ത്രാലയം പ്രഖ്യാപിച്ചത്. 4000 ദിർഹത്തിന്റെ ഇഖ്‌തിസാദിയ പാക്കേജിൽ അടിസ്‌ഥാന സേവനമായ മക്കയിൽ താമസം, മിന, അറഫ, മുസ്‌ദലിഫ എന്നിവിടങ്ങളിലേക്കുള്ള യാത്ര (ദുൽഹജ് 8 മുതൽ 12 വരെ) എന്നിവ ഉൾപ്പെടും.
എന്നാൽ മിനായിലെ താമസം തീർഥാടകർ സ്വയം കണ്ടെത്തണം. 13,000 ദിർഹത്തിന്റെ പാക്കേജിൽ മിനായിൽ കിദാന അൽവാദി ടവറിൽ താമസം, യാത്രയ്‌ക്ക് എസി ബസ്, യാത്രയിലുടനീളം ഭക്ഷണ പാനീയങ്ങൾ, അറഫയിൽ തമ്പുകൾ, മുസ്‌ദലിഫയിൽ താമസം എന്നിവ ഉൾപ്പെടും.
മിനായിലെ ജംറയ്ക്ക് ഒരുകിലോമീറ്റർ അടുത്താണ് ഈ താമസ കെട്ടിടം. അഞ്ചുനില കെട്ടിടത്തിന്റെ ഓരോ മുറിയിലും 25-30 തീർഥാടകരെ വരെ പാർപ്പിക്കാം. ആഭ്യന്തര തീർഥാടകർക്ക് localhaj.haj.gov.sa ലിങ്കിൽ പ്രവേശിച്ച് വ്യക്‌തിഗത വിവരങ്ങളും പണവും അടച്ച് ഹജ്‌ജ് അനുമതി നേടാം.
Most Read| മഞ്ഞുമ്മൽ ബോയ്‌സ്; നിർമാതാക്കൾ ഗുരുതര സാമ്പത്തിക തട്ടിപ്പ് നടത്തിയെന്ന് റിപ്പോർട്
