ലോകത്തിൽ ഏറ്റവും കൂടുതൽ വരുമാനം നേടിയ സിനിമ എന്ന റെക്കോർഡ് തിരിച്ചു പിടിച്ച് അവതാര്‍. ജെയിംസ് കാമറൂണ്‍ സംവിധാനം ചെയ്‌ത ഈ ചിത്രം ചൈനയില്‍ വീണ്ടും റിലീസ് ചെയ്‌തതോടെയാണ് അവഞ്ചേഴ്‌സിനെ മറികടന്ന് അവതാർ വീണ്ടും ഒന്നാമത് എത്തിയത്. ചൈന റീ-റിലീസിൽ ആദ്യ രണ്ട് ദിനങ്ങള്‍ കൊണ്ടുതന്നെ 12.3 മില്യൺ യുഎസ് ഡോളറുകള്‍ സ്വന്തമാക്കി. ആകെ 2.82 ബില്യൺ ഡോളര്‍ കളക്ഷൻ ചിത്രം നേടി.
2.79 ബില്യൺ ഡോളറാണ് അവഞ്ചേഴ്‌സ് നേടിയത്. ഈ നേട്ടത്തില്‍ ജെയിംസ് കാമറൂണിനെ അഭിനന്ദിച്ച് അവഞ്ചേഴ്‌സ് സംവിധായകരായ റൂസോ ബ്രദേഴ്‌സ് രംഗത്തെത്തി. അതേസമയം അവതാറിന്റെ രണ്ടാം ഭാഗത്തിന്റെ റിലീസ് ഒരു വര്‍ഷം കൂടി നീട്ടി. ജെയിംസ് കാമറൂൺ സംവിധാനം ചെയ്യുന്ന ചിത്രം 2022ലായിരിക്കും റിലീസ് ചെയ്യുക.
Read Also: ഇന്ത്യ-ഇംഗ്‌ളണ്ട് മൂന്നാം ടെസ്‌റ്റിന് ഒരുക്കിയ പിച്ച് ശരാശരിയെന്ന് ഐസിസി
