മലപ്പുറം: ജില്ലയില് ഇന്ന് റെക്കോര്ഡ് കോവിഡ് കേസുകള്. ഇന്ന് ഒറ്റ ദിവസം 362 പേര്ക്കാണ് ജില്ലയില് കോവിഡ് സ്ഥിരീകരിച്ചത്.പെരിന്തല്മണ്ണ എ.എസ്.പി. എം. ഹേമലത ഉള്പ്പടെയുള്ള പ്രമുഖരും ഇതില് പെടും. ആദ്യമായാണ് ഒരു ദിവസം ഇത്രയേറെ പേര്ക്ക് ജില്ലയില് കോവിഡ് ബാധ സ്ഥിരീകരിക്കുന്നത്. 326 പേര്ക്കാണ് സമ്പര്ക്കത്തിലൂടെ രോഗബാധയുണ്ടായത്. ഇതില് 19 പേര് ആരോഗ്യ പ്രവര്ത്തകരാണ്. 23 പേര് ഉറവിടമറിയാതെയും 284 പേര് നേരത്തെ രോഗബാധിതരായവരുമായി നേരിട്ടുള്ള സമ്പര്ക്കം ഉണ്ടായതിലൂടെയുമാണ് രോഗബാധിതരായത്.
ഇന്ന് രോഗം സ്ഥിരീകരിച്ചവരില് 10 പേര് ഇതര സംസ്ഥാനങ്ങളില് നിന്നെത്തിയവരാണ്. ശേഷിക്കുന്ന 26 പേര് വിവിധ വിദേശ രാജ്യങ്ങളില് നിന്നെത്തിയവരുമാണ്. രോഗബാധിതരായി 1,999 പേര് ചികിത്സയില് കഴിയുകയാണ്. ഇതുവരെ രോഗബാധ സ്ഥിരീകരിച്ചത് 4,773 പേര്ക്കാണ്. ജില്ലയില് ഇതുവരെ 2,751 പേര് വിദഗ്ധ ചികിത്സക്ക് ശേഷം രോഗമുക്തരായി വീടുകളിലേക്ക് മടങ്ങുകയും ചെയ്തു. 34,481 പേരാണ് നിലവില് നിരീക്ഷണത്തിലുള്ളത്.
കരിപ്പൂര് വിമാനപകടവുമായി ബന്ധപ്പെട്ടാണ് ജില്ലയില് ഇത്രയധികം കോവിഡ് കേസുകള് വര്ധിച്ചത്. ജില്ലാ കളക്ടര് ഉള്പ്പെടെയുള്ള ഉദ്യോഗസ്ഥര്ക്ക് നേരത്തെ ഇതുമൂലം രോഗം സ്ഥിരീകരിച്ചിരുന്നു.