കൊല്ലം: കൊല്ലം കുളത്തൂപ്പുഴയില്‍ 9 വയസുകാരന് പിതാവിന്റെ ക്രൂരമര്‍ദ്ദനം. നാട്ടുകാരാണ് ഇത് സംബന്ധിച്ച് പോലീസിൽ പരാതി നല്‍കിയത്. വലിയ മരക്കഷണങ്ങളടക്കം ഉപയോഗിച്ച് കുട്ടിയെ മര്‍ദ്ദിക്കുന്നത് പതിവായതോടെയാണ് നാട്ടുകാർ പിതാവായ ബൈജുവിനെതിരെ പരാതി നൽകിയത്.
മരക്കഷണങ്ങളും ഗ്യാസ് സിലിണ്ടറില്‍ ഉപയോഗിക്കുന്ന ട്യൂബുമെല്ലാം ഉപയോഗിച്ചാണ് പിതാവ് തന്നെ മര്‍ദ്ദിക്കുന്നതെന്ന് കുട്ടി പറയുന്നു. പലപ്പോഴും നിലത്തിട്ട് വലിച്ചിഴക്കാറുണ്ടെന്നും കുട്ടി വെളിപ്പെടുത്തി. കുട്ടിയുടെ ശരീരമാസകലം തല്ലുകൊണ്ട് മുറിഞ്ഞ പാടുകളാണ്.
മര്‍ദ്ദനമേറ്റുളള കുട്ടിയുടെ കരച്ചില്‍ പതിവായതോടെയാണ് നാട്ടുകാര്‍ പോലീസില്‍ ബൈജുവിനെതിരെ പരാതി നല്‍കിയത്.
കുളത്തൂപ്പുഴ റോക്ക് വുഡ് കടവ് പുറമ്പോക്കിലാണ് രണ്ടു മക്കളുമായി ബൈജു താമസിക്കുന്നത്. ലഹരിക്കടിമയാണ് ഇയാളെന്നും നാട്ടുകാര്‍ പറയുന്നു.
Most Read: മുൻ മിസ് കേരളയുൾപ്പടെ മരിച്ച അപകടം; ഹോട്ടല്‍ ഹാര്‍ഡ് ഡിസ്‌ക് ഇന്ന് പരിശോധിക്കും
