തിരുവനന്തപുരം: ബംഗാള് ഉള്ക്കടലില് നാളെയോടെ ന്യൂനമര്ദം രൂപപ്പെടുമെന്ന് കാലാവസ്ഥാ നിരീക്ഷണ കേന്ദ്രം. സംസ്ഥാനത്ത് പലയിടത്തും കനത്ത മഴയ്ക്ക് സാധ്യതയുണ്ട്. ഇന്ന് 11 ജില്ലകളില് യെല്ലോ അലര്ട്ടുണ്ട്. നാളെ ഇടുക്കിയില് ഓറഞ്ച് അലര്ട്ടും പ്രഖ്യാപിച്ചു.
ഉയര്ന്ന തിരമാലയുണ്ടാകുമെന്നും മണിക്കൂറില് 50 കിലോമീറ്റര് വരെ വേഗതയില് കാറ്റ് വീശുമെന്നും മുന്നറിയിപ്പുണ്ട്. കടല് പ്രക്ഷുബ്ദമാകാന് സാധ്യതയുള്ളതിനാല് ഈ മാസം 25 വരെ മൽസ്യ തൊഴിലാളികള് കടലില് പോകരുതെന്നാണ് നിര്ദേശം.
കഴിഞ്ഞ ദിവസങ്ങളിൽ വലിയ അളവിൽ മഴ ലഭിച്ച പ്രദേശങ്ങളിൽ മഴ തുടരുന്ന സാഹചര്യത്തിൽ താഴ്ന്ന പ്രദേശങ്ങൾ, നദീതീരങ്ങൾ, ഉരുൾപൊട്ടൽ- മണ്ണിടിച്ചിൽ സാധ്യതയുള്ള മലയോര പ്രദേശങ്ങൾ തുടങ്ങിയ ഇടങ്ങളിലുള്ളവർ അതീവ ജാഗ്രത പാലിക്കണം.
National News: പെഗാസസ് ഫോൺ ചോർത്തൽ സുപ്രീം കോടതി ജഡ്ജി അന്വേഷിക്കണം; തരൂർ