ബിഹാര് : പ്രധാനമന്ത്രി നരേന്ദ്രമോദി ഇന്ന് മുതല് ബിഹാര് തിരഞ്ഞെടുപ്പ് പ്രചാരണ പരിപാടികളില് പങ്കെടുക്കും. കോവിഡ് വ്യാപനത്തെ തുടര്ന്ന് ഏര്പ്പെടുത്തിയ നിയന്ത്രണങ്ങള്ക്ക് ശേഷം പ്രധാനമന്ത്രി പങ്കെടുക്കുന്ന ആദ്യ യോഗമാണ് ഇന്ന് ബിഹാറില് നടക്കുന്നത്. രാജ്യത്തെ നിലവിലെ രാഷ്ട്രീയ സാഹചര്യങ്ങള് കണക്കിലെടുക്കുമ്പോള് ഇന്ന് പ്രധാനമന്ത്രി പ്രചാരണ പരിപാടികളില് സ്വീകരിക്കുന്ന നിലപാടുകള്ക്ക് വലിയ പ്രാധാന്യമുണ്ട്.
ഇന്ന് രാവിലെ ഒന്പത് മണിയോടെ ബിഹാറിലെ റൊത്താസിലെ സുവാരയിലുള്ള ബിയാദ മൈതാനത്താണ് പ്രചാരണത്തോട് അനുബന്ധിച്ച് പ്രധാനമന്ത്രി പങ്കെടുക്കുന്ന ആദ്യ യോഗം നടക്കുക. അതിന് ശേഷം പതിനൊന്നരയോടെ ഗയയിലെ ഗാന്ധി മൈതാനത്ത് നടക്കുന്ന റാലിയെ അഭിസംബോധന ചെയ്യുന്ന പ്രധാനമന്ത്രി ഉച്ചക്ക് ഒന്നരയോടെ ഭാഗല്പൂരില് നടക്കുന്ന റാലിയിലും പങ്കെടുക്കും.
Read also : നിതീഷ് കുമാര് അഴിമതിയുടെ ഭീഷ്മാചാര്യര്; തേജസ്വി യാദവ്