ഒറ്റപ്പാലം: ഭാരതപ്പുഴയിൽ മീറ്റ്ന തടയണയ്‌ക്ക് സമീപം ഒഴുക്കിൽപ്പെട്ട മൽസ്യത്തൊഴിലാളിയുടെ മൃതദേഹം കണ്ടെത്തി. ഒരാഴ്‌ചയ്‌ക്ക് ശേഷമാണ് മൃതദേഹം കണ്ടെത്തിയത്. യൂസഫാണ് മരിച്ചത്. ഇന്നലെ രാത്രി ഭാരതപ്പുഴയിൽ പാലക്കാട്-മലപ്പുറം ജില്ലാ അതിർത്തിയിലെ കൂടല്ലൂർ ഭാഗത്താണ് മൃതദേഹം കാണപ്പെട്ടത്.
ജീർണിച്ച് തിരിച്ചറിയാനാകാത്ത വിധമായിരുന്നു മൃതദേഹം. യൂസഫിന്റെ സഹോദരനും ബന്ധുക്കളുമെത്തിയാണ് ആളെ തിരിച്ചറിഞ്ഞത്. കഴിഞ്ഞ ഞായറാഴ്‌ചയാണ്‌ മീറ്റ്‌നയിൽ മീൻ പിടിക്കുന്നതിനിടെ യൂസഫ് ഒഴുക്കിൽപ്പെട്ടത്. അഞ്ചുദിവസം തടുർച്ചയായി തിരച്ചിൽ നടത്തിയിട്ടും കണ്ടെത്താൻ കഴിഞ്ഞിരുന്നില്ല. ഇതോടെ തിരച്ചിൽ നിർത്തിയിരുന്നു.
Most Read| തറയ്‌ക്കടിയിൽ നിന്ന് രക്‌തസമാന ദ്രാവകം പരന്നൊഴുകി; അമ്പരന്ന് നാട്ടുകാർ!
