നിയമസഭാ തിരഞ്ഞെടുപ്പ്; നേമത്ത് നിന്ന് മൽസരിക്കുമെന്ന് രാജീവ് ചന്ദ്രശേഖർ
സ്ഥാനാർഥി ചർച്ച പാർട്ടിയിൽ ആരംഭിക്കുന്നതിന് മുന്നെയാണ് തദ്ദേശ തിരഞ്ഞെടുപ്പ് വേളയിൽ രാജീവ് ചന്ദ്രശേഖറിന്റെ പ്രഖ്യാപനം. അദ്ദേഹം നേമത്ത് മൽസരിക്കുമെന്ന് നേരത്തെ അഭ്യൂഹങ്ങൾ ഉണ്ടായിരുന്നു.
തൃശൂർ: നിയമസഭാ തിരഞ്ഞെടുപ്പിൽ നേമത്ത് നിന്ന് മൽസരിക്കുമെന്ന് പ്രഖ്യാപിച്ച് ബിജെപി സംസ്ഥാന അധ്യക്ഷൻ രാജീവ് ചന്ദ്രശേഖർ. തൃശൂർ പ്രസ് ക്ളബിന്റെ വോട്ട് വൈബ് പരിപാടിയിൽ വെച്ചായിരുന്നു രാജീവ് ചന്ദ്രശേഖറിന്റെ പ്രഖ്യാപനം.
നിയമസഭാ തിരഞ്ഞെടുപ്പിൽ മൽസരിക്കുമോയെന്ന ചോദ്യത്തിനായിരുന്നു രാജീവ് ചന്ദ്രശേഖറിന്റെ മറുപടി. താൻ നൂറുശതമാനം മൽസരിക്കുമെന്ന് പറഞ്ഞ രാജീവ് ചന്ദ്രശേഖർ വേണമെങ്കിൽ മണ്ഡലം ഏതാണെന്ന് പറയാമെന്നും പറഞ്ഞു. ഇതിനുശേഷമാണ് താൻ നേമത്ത് മൽസരിക്കുക എന്ന് രാജീവ് ചന്ദ്രശേഖർ പറഞ്ഞത്.
അതേസമയം, ശശി തരൂർ ബിജെപിയിലേക്ക് വരുമോയെന്ന ചോദ്യത്തിന് അങ്ങനെ തനിക്ക് പ്രതീക്ഷയില്ലെന്നായിരുന്നു അദ്ദേഹത്തിന്റെ മറുപടി. സ്ഥാനാർഥി ചർച്ച പാർട്ടിയിൽ ആരംഭിക്കുന്നതിന് മുന്നെയാണ് തദ്ദേശ തിരഞ്ഞെടുപ്പ് വേളയിൽ രാജീവ് ചന്ദ്രശേഖറിന്റെ പ്രഖ്യാപനം. അദ്ദേഹം നേമത്ത് മൽസരിക്കുമെന്ന് നേരത്തെ അഭ്യൂഹങ്ങൾ ഉണ്ടായിരുന്നു.
ലോക്സഭാ തിരഞ്ഞെടുപ്പിൽ ശശി തരൂരിന് എതിരെ നേമത്ത് രാജീവ് ചന്ദ്രശേഖർ ലീഡ് ചെയ്തിരുന്നു. 2016ൽ സംസ്ഥാനത്ത് ആദ്യമായി ബിജെപിക്ക് എംഎൽഎയെ നേമത്തായിരുന്നു. രാജഗോപാൽ ജയിച്ച സീറ്റിൽ 2021ൽ കുമ്മനം രാജശേഖരൻ പരാജയപ്പെട്ടിരുന്നു. നിലവിൽ മന്ത്രി വി.ശിവൻകുട്ടിയാണ് നേമത്തെ എംഎൽഎ.
അഭിപ്രായങ്ങളുടെ ആധികാരികത ഉറപ്പിക്കുന്നതിന് വേണ്ടി കൃത്യമായ ഇ-മെയിൽ വിലാസവും ഫോട്ടോയും ഉൾപ്പെടുത്താൻ ശ്രമിക്കുക. രേഖപ്പെടുത്തപ്പെടുന്ന അഭിപ്രായങ്ങളിൽ 'ഏറ്റവും മികച്ചതെന്ന് ഞങ്ങളുടെ എഡിറ്റോറിയൽ ബോർഡിന്' തോന്നുന്നത് പൊതു ശബ്ദം എന്ന കോളത്തിലും സാമൂഹിക മാദ്ധ്യമങ്ങളിലും ഉൾപ്പെടുത്തും. ആവശ്യമെങ്കിൽ എഡിറ്റ് ചെയ്യും. ശ്രദ്ധിക്കുക; മലബാർ ന്യൂസ് നടത്തുന്ന അഭിപ്രായ പ്രകടനങ്ങളല്ല ഇവിടെ പോസ്റ്റ് ചെയ്യുന്നത്. ഇവയുടെ പൂർണ ഉത്തരവാദിത്തം രചയിതാവിനായിരിക്കും. അധിക്ഷേപങ്ങളും അശ്ളീല പദപ്രയോഗങ്ങളും നടത്തുന്നത് ശിക്ഷാർഹമായ കുറ്റമാണ്.
