ന്യൂഡെൽഹി: മിഗ് 29-കെ യുദ്ധവിമാനം അറബിക്കടലില് തകര്ന്ന് വീണു. ഒരു പൈലറ്റിനെ രക്ഷപെടുത്തി. ഒരാളെ കാണാതായി. മിഗ് 29-കെ പരിശീലന വിമാനമാണ് വ്യാഴാഴ്ച വൈകീട്ട് തകർന്നു വീണത്.
കാണാതായ പൈലറ്റിനായി സേനയുടെ വിവിധ യൂണിറ്റുകള് നടത്തുന്ന തിരച്ചില് തുടരുകയാണെന്ന് നാവിക സേന അറിയിച്ചു. സംഭവത്തില് അന്വേഷണത്തിന് ഉത്തരവിട്ടിട്ടുണ്ടെന്നും നാവിക സേന പ്രസ്താവനയിൽ പറഞ്ഞു.
അറബിക്കടലില് ഐഎന്എസ് വിക്രമാദിത്യ വിമാനവാഹിനി കപ്പലില് നിന്ന് പറന്നുയര്ന്ന മിഗ് 29-കെ യുദ്ധവിമാനമാണ് അപകടത്തില്പ്പെട്ടത്.
കഴിഞ്ഞ 12 മാസത്തിനിടെ ഉണ്ടായ മിഗ് വിമാനത്തിന്റെ മൂന്നാമത്തെ അപകടമാണിത്. ഈ വര്ഷം ഫെബ്രുവരിയില് ഗോവയില് പതിവ് പരിശീലനത്തിനിടെ മറ്റൊരു മിഗ് 29- കെ വിമാനവും തകര്ന്ന് വീണിരുന്നു.
Kerala News: നടിയെ ആക്രമിച്ച കേസ്; വിചാരണാ കോടതി മാറ്റണം, സർക്കാർ സുപ്രീം കോടതിയിലേക്ക്
