മുംബൈ: രാജ്യത്തെ വമ്പന് ഇരുചക്ര വാഹന നിര്മ്മാതാക്കളായ ബജാജ് ഓട്ടോ മഹാരാഷ്ട്രയില് പുതിയ പ്ളാന്റ് നിര്മ്മിക്കുന്നു. 650 കോടി ചെലവഴിച്ച് നിര്മ്മിക്കുന്ന പ്ളാന്റിന്റെ ധാരണാപത്രം മഹാരാഷ്ട്ര സര്ക്കാരുമായി ഒപ്പുവച്ചു. 2023 ഓടെ ഇവിടെ ഉല്പ്പാദനം ആരംഭിക്കാനാണ് ആലോചന.
ചേതക്, കെടിഎം, ഹസ്ഖ്വാര്ണ, ട്രയംഫ് ബൈക്കുകളാണ് ഇവിടെ നിര്മ്മിക്കുക. പുണെയിലെ ചകനിലുള്ള നിലവിലെ പ്ളാന്റിനോട് ചേര്ന്നായിരിക്കും പുതിയ പ്ളാന്റും നിര്മ്മിക്കുക. മറ്റ് കമ്പനികള്ക്ക് വെല്ലുവിളി ആകുന്ന തരത്തിലാണ് പുതിയ ബജാജിന്റെ പുതിയ പ്ളാന്റ് നിര്മാണം.
കമ്പനിയുടെ തൊട്ടടുത്ത എതിരാളികളായ ഹോണ്ട മോട്ടോര് സൈക്കിളും സ്കൂട്ടര് ഇന്ത്യയും സുസുകി മോട്ടോര് സൈക്കിളും വമ്പന് നിക്ഷേപങ്ങള് നടത്താനുള്ള നീക്കങ്ങള് താല്ക്കാലികമായി നിര്ത്തിവച്ചിരിക്കുന്ന ഘട്ടത്തിലാണ് ബജാജിന്റെ നീക്കം.
