തിരുവനന്തപുരം: കുഞ്ഞിനെ തട്ടിക്കൊണ്ടുപോയി ദത്ത് നൽകിയ സംഭവം സഭയിൽ അടിയന്തര പ്രമേയമായി ഉന്നയിച്ച് പ്രതിപക്ഷം. നിയമ വിരുദ്ധമായാണ് അനുപമയുടെ കുഞ്ഞിനെ എടുത്ത് മാറ്റിയത്. ശിശുക്ഷേമ സമിതിക്ക് ഗുരുതര വീഴ്‌ച പറ്റിയെന്നും കെകെ രമ നൽകിയ അടിയന്തര പ്രമേയ നോട്ടീസിൽ പറയുന്നു.
സംഭവത്തിൽ ജുഡീഷ്യൽ അന്വേഷണം വേണമെന്ന് പ്രതിപക്ഷം ആവശ്യപ്പെട്ടു. ഡിജിപിയും പോലീസും മുഖ്യമന്ത്രിയുടെ ഓഫിസും ദുരഭിമാന കുറ്റകൃത്യമാണ് നടത്തിയത്. പാൽ മണം മാറാത്ത കുട്ടിയെ അമ്മയിൽ നിന്ന് വലിച്ചെടുത്തുവെന്നും അടിയന്തര പ്രമേയം അവതരിപ്പിച്ച കെകെ രമ പറഞ്ഞു.
എന്നാല്‍ നിയമപരമായി സ്വീകരിക്കേണ്ട നടപടികൾ സർക്കാർ സ്വീകരിച്ചെന്ന് വീണ ജോർജ് മറുപടി നൽകി. സർക്കാരിന്റെ മുന്നിൽ പ്രശ്‌നം വന്നപ്പോഴെ ഇടപെട്ടു. അങ്ങനെയാണ് കോടതിയിൽ സത്യവാങ്ങ് മൂലം നൽകിയത്. നടപടിക്രമങ്ങൾ പാലിച്ചോ എന്ന് പരിശോധിക്കാൻ വനിതാ ശിശുക്ഷേമ സമിതിക്ക് നിർദ്ദേശം നൽകിയിട്ടുണ്ട്. കുട്ടിയെ ലഭിച്ച് 30 ദിവസത്തിനുള്ളിൽ ആരും അന്വേഷിച്ച് വന്നിട്ടില്ല. നടപടികൾ നിയമപരമായി നടന്നിട്ടുണ്ട്.
അനുപമ പരാതി നൽകിയപ്പോൾ തന്നെ ഓൺലൈനായി പരാതി കേട്ടു. അനുപമയുടെ ആവശ്യപ്രകാരം ഒരു കുട്ടിയുടെ ഡിഎൻഎ പരിശോധന നടത്തി. അത് നെഗറ്റീവായിരുന്നു. അമ്മ തൊട്ടിലിൽ ലഭിക്കുന്ന കുട്ടിയുടെ കാര്യത്തിലെ എല്ലാ നടപടികളും പാലിച്ചു. ശിശുക്ഷേമ സമിതിക്ക് വീഴ്‌ചയില്ല. പരാതിക്കാരിയുടെ ഒരു പരാതിയും അവഗണിച്ചിട്ടില്ല. ഒരു അനധികൃത ഇടപെടലും ഉണ്ടായിട്ടില്ല. സങ്കീർണ നിയമ പ്രക്രിയയുടെ കാലതാമസം മാത്രമാണ് ഉണ്ടായിട്ടുള്ളത് എന്നും മന്ത്രി പറഞ്ഞു.
തുടർന്ന് വിഷയം കോടതിയുടെ പരിഗണനയിലാണെന്നും സ്വകാര്യതയുടെ വിഷയങ്ങൾ ഇതിലുണ്ടെന്നും കാണിച്ച് സ്‌പീക്കര്‍ അടിയന്തര പ്രമേയത്തിന് അനുമതി നിഷേധിച്ചു. പിന്നാലെ പ്രതിപക്ഷം സഭയില്‍ നിന്നിറങ്ങിപ്പോയി.
അഭിപ്രായങ്ങളുടെ ആധികാരികത ഉറപ്പിക്കുന്നതിന് വേണ്ടി കൃത്യമായ ഇ-മെയിൽ വിലാസവും ഫോട്ടോയും ഉൾപ്പെടുത്താൻ ശ്രമിക്കുക. രേഖപ്പെടുത്തപ്പെടുന്ന അഭിപ്രായങ്ങളിൽ 'ഏറ്റവും മികച്ചതെന്ന് ഞങ്ങളുടെ എഡിറ്റോറിയൽ ബോർഡിന്' തോന്നുന്നത് പൊതു ശബ്‌ദം എന്ന കോളത്തിലും സാമൂഹിക മാദ്ധ്യമങ്ങളിലും ഉൾപ്പെടുത്തും. ആവശ്യമെങ്കിൽ എഡിറ്റ് ചെയ്യും. ശ്രദ്ധിക്കുക; മലബാർ ന്യൂസ് നടത്തുന്ന അഭിപ്രായ പ്രകടനങ്ങളല്ല ഇവിടെ പോസ്‌റ്റ് ചെയ്യുന്നത്. ഇവയുടെ പൂർണ ഉത്തരവാദിത്തം രചയിതാവിനായിരിക്കും. അധിക്ഷേപങ്ങളും അശ്‌ളീല പദപ്രയോഗങ്ങളും നടത്തുന്നത് ശിക്ഷാർഹമായ കുറ്റമാണ്.
