ന്യൂഡെൽഹി: വായുമലിനീകരണം രൂക്ഷമായ സാഹചര്യത്തിൽ ഡെൽഹിയിലും എൻസിആറിലും (നാഷണൽ ക്യാപിറ്റൽ റീജിയൺ) ഡീസൽ, പെട്രോൾ, മണ്ണെണ്ണ ജനറേറ്ററുകൾക്ക് നിരോധനം ഏർപ്പെടുത്തി. വ്യാഴാഴ്‌ച മുതൽ നിരോധനം നടപ്പിലാക്കും. അവശ്യ സർവീസുകൾക്ക് ഇത് ബാധകമല്ല.
Read Also: സ്‍ത്രീ സുരക്ഷക്കായി പദ്ധതികള്‍ ഒരുക്കി ഉത്തർപ്രദേശ് സര്‍ക്കാര്‍
ശൈത്യകാലം ആരംഭിച്ചതും അയൽസംസ്‌ഥാനങ്ങളിലെ കർഷകർ കൃഷി അവശിഷ്‌ടങ്ങൾ വൻതോതിൽ തീയിടുന്നതുമാണ് മലിനീകരണം വർധിക്കാൻ ഇടയാക്കിയത്. ഇവിടുത്തെ വായുവിന്റെ ഗുണനിലവാരം വളരെ കുറഞ്ഞ തോതാണ് കഴിഞ്ഞ കുറച്ച് ദിവസങ്ങളായി രേഖപ്പെടുത്തുന്നത്. ഇതേ തുടർന്നാണ് ചെറുതും വലുതുമായ ജനറേറ്ററുകൾ ഒക്‌ടോബർ 15 മുതൽ പ്രവർത്തിപ്പിക്കരുതെന്ന് ഡെൽഹി മലിനീകരണ നിയന്ത്രണ കമ്മിറ്റി അറിയിച്ചത്. ഇനിയൊരു അറിയിപ്പുണ്ടാകുന്നത് വരെ നിരോധനം തുടരും.
