ന്യൂഡെല്‍ഹി: ചാര്‍ട്ടേര്‍ഡ് അക്കൗണ്ടന്റ് ഇന്റര്‍മീഡിയേറ്റ്, ഫൗണ്ടേഷന്‍ കോഴ്‌സുകളുടെ പരീക്ഷാഫലം പ്രസിദ്ധീകരിച്ച് ഇന്‍സ്‌റ്റിറ്റ്യൂട്ട് ഓഫ് ചാര്‍ട്ടേര്‍ഡ് അക്കൗണ്ടന്റ്‌സ് ഓഫ് ഇന്ത്യ (ഐസിഎഐ). വെബ്‌സൈറ്റുകള്‍ വഴിയും എസ്എംഎസ്, ഇ- മെയില്‍ എന്നിവ വഴിയും വിദ്യാര്‍ഥികള്‍ക്ക് ഫലം പരിശോധിക്കാം.
തങ്ങളുടെ പക്കലുള്ള വിവരങ്ങളുപയോഗിച്ച് ലോഗിന്‍ ചെയ്‌ത്‌ വിദ്യാര്‍ഥികള്‍ക്ക് സ്‌കോര്‍ കാര്‍ഡും ഓരോ വിഷയത്തിനും ലഭിച്ച മാര്‍ക്കുമറിയാം. നവംബറില്‍ നടന്ന പരീക്ഷയുടെ ഫലമാണിപ്പോള്‍ പ്രഖ്യാപിച്ചിരിക്കുന്നത്. അന്ന് പരീക്ഷയെഴുതാന്‍ സാധിക്കാതിരുന്ന വിദ്യാര്‍ഥികള്‍ക്കായി രണ്ടാംഘട്ട പരീക്ഷ ഉടന്‍ നടത്തും.
