കോവിഡ് മൂലം അടച്ചിട്ട സിനിമാ തിയേറ്ററുകള് വീണ്ടും തുറക്കാന് അനുമതി ലഭിച്ചതിന് പിന്നാലെ റിലീസിനൊരുങ്ങുന്നത് നിരവധി ചിത്രങ്ങള്. മഞ്ജു വാര്യര് കേന്ദ്ര കഥാപാത്രത്തെ അവതരിപ്പിക്കുന്ന ‘ചതുര്മുഖം’ ഫെബ്രുവരിയില് റിലീസ് ചെയ്യുമെന്ന് അറിയിച്ചിരിക്കുക ആണ് ചിത്രത്തിന്റെ നിര്മ്മാതാക്കള്.
രഞ്ജിത് കമല ശങ്കറും സലില് വിയും ചേര്ന്നാണ് ‘ചതുര്മുഖം’ സംവിധാനം ചെയ്തിരിക്കുന്നത്. ഹൊറര് ത്രില്ലറായി ഒരുങ്ങുന്ന ഈ ചിത്രം ജിസ് ടോംസ് മൂവീസിന്റെ ബാനറില് ജിസ് ടോംസും ജസ്റ്റിന് തോമസും ചേര്ന്നാണ് നിര്മ്മിക്കുന്നത്. സിനിമയുടെ പോസ്റ്റ് പ്രൊഡക്ഷന് ജോലികള് പൂര്ത്തിയായതായി അണിയറ പ്രവര്ത്തകര് അറിയിച്ചു. സണ്ണി വെയിനും പ്രധാന വേഷത്തിലെത്തുന്ന ചിത്രത്തിന്റെ തിരക്കഥ ഒരുക്കിയിരിക്കുന്നത് അഭയകുമാര് കെ, അനില് കുര്യന് എന്നിവര് ചേര്ന്നാണ്. അഭിനന്ദ് രാമാനുജമാണ് ചിത്രത്തിന്റെ ഛായാഗ്രഹണം നിര്വഹിച്ചിരിക്കുന്നത്.
എട്ട് മാസത്തെ നീണ്ട ഇടവേളക്ക് ശേഷം സംസ്ഥാനത്ത് തിയേറ്ററുകള് വീണ്ടും തുറക്കുമ്പോള് വിജയ് ചിത്രം ‘മാസ്റ്റര്’ ആയിരിക്കും ആദ്യം റിലീസ് ചെയ്യുക.
ISL News: ഐഎസ്എല്ലില് ഇന്ന് ബംഗളൂര്-നോര്ത്ത് ഈസ്റ്റ് പോരാട്ടം