ന്യൂഡെൽഹി: വിവാഹാഭ്യർഥന നിരസിച്ചതിനെ തുടർന്ന് യുവതിക്ക് നേരെ ആസിഡ് ആക്രമണം. ഗുരുതരമായി പൊള്ളലേറ്റ യുവതിയെ ആശുപത്രിയിൽ പ്രവേശിപ്പിച്ചു. മൊണ്ടു എന്ന യുവാവിനെ പോലീസ് അറസ്റ്റ് ചെയ്തു. ഡെൽഹി ബാവനയിലാണ് സംഭവം.
വിവാഹിതയായ യുവതിയെ മോണ്ടു നിരന്തരം ശല്യം ചെയ്യുമായിരുന്നു. സംഭവ ദിവസം യുവതിയുടെ വീടിനടുത്തെത്തിയ മോണ്ടു യുവതിയോട് ഭർത്താവിനെ ഉപേക്ഷിച്ച് തനിക്കൊപ്പം വരാൻ ആവശ്യപ്പെട്ടു. നിരസിച്ച യുവതിയുടെ കൈകൾ പിന്നിൽ കെട്ടി ദേഹത്തേക്ക് ആസിഡ് ഒഴിച്ച് കടന്നു കളയുകയായിരുന്നു. യുവതിയുടെ മൊഴിയുടെ അടിസ്ഥാനത്തിൽ ബിഹാറിലെ ബക്സറിൽ നിന്നാണ് ഇയാളെ പോലീസ് അറസ്റ്റ് ചെയ്തത്.
Read also: അയോധ്യയിൽ ക്ഷേത്രം ആഗ്രഹിക്കാത്തവർ താലിബാൻ അനുകൂലികൾ; യോഗി ആദിത്യനാഥ്