മലപ്പുറം:‘ഡെങ്കിപ്പനി പ്രതിരോധം വീട്ടില്‍ നിന്നാരംഭം‘ എന്ന സംസ്‌ഥാന ആരോഗ്യവകുപ്പ് സന്ദേശത്തെ അടിസ്‌ഥാനമാക്കി സംസ്ഥാനത്ത് ഉടനീളം നടക്കുന്ന ഡ്രൈഡേയിൽ ഭാഗഭാക്കായി എസ്വൈഎസ്.
സംഘടനയുടെ മുഴുവൻ യൂണിറ്റുകളിലും കഴിഞ്ഞ ദിവസം സോഷ്യൽ മീഡിയ വഴി പ്രചാരണം നടത്തിയാണ് പ്രവർത്തകരെ ‘ഡ്രൈഡേ’ സേവന പ്രവർത്തനത്തിൽ പങ്കാളികളാക്കിയത്. അതാത് ജില്ലയിലെ എസ്വൈഎസ് സാമൂഹികം ഡയറക്‌ടറേറ്റ്‌ പദ്ധതിക്ക് നേതൃത്വം വഹിച്ചു.
സംസ്‌ഥാന വ്യാപകമായി എസ്വൈഎസ് ജില്ലാകമ്മിറ്റികളും പ്രാദേശിക കമ്മിറ്റികളും ഡ്രൈഡേയിൽ പങ്കെടുത്തു. സംസ്ഥാനത്ത് ഉടനീളമുള്ള ലക്ഷത്തിലധികം വീടുകളിലാണ് സംഘടനാ പ്രവർത്തകർ ശുചീകരണ പ്രവർത്തികളിൽ ഏർപ്പെട്ടത്.
മലപ്പുറം ജില്ലയിലെ ഈസ്‌റ്റ് സോണിൽ മാത്രം 25000ത്തിലധികം വീടുകളിലാണ് ശുചീകരണ പ്രവർത്തനങ്ങൾ സംഘടിപ്പിച്ചത്. ഓരോ എസ്വൈഎസ് അംഗങ്ങളും അവരവരുടെ വീടുകൾ വൃത്തിയാക്കിയാണ് ഡ്രൈഡേയിൽ പങ്കാളിത്തം വഹിച്ചത്.
പൊതുജനങ്ങളില്‍ രോഗത്തെ കുറിച്ചും രോഗ നിയന്ത്രണ മാര്‍ഗങ്ങളെ കുറിച്ചും അവബോധം സൃഷ്‌ടിക്കുകയും രോഗനിയന്ത്രണ പ്രവര്‍ത്തനങ്ങളില്‍ ജനപങ്കാളിത്തം ഉറപ്പുവരുത്തുകയും ചെയ്യുക, അതുവഴി രോഗം പരമാവധി കുറച്ചു മരണം പൂര്‍ണമായി ഇല്ലാതാക്കുക എന്നതാണ് ‘ഡ്രൈഡേ’ കൊണ്ട് ലക്ഷ്യം വെക്കുന്നത്. കോവിഡ് മഹാമാരിയെ ചെറുത്തു നില്‍ക്കാനുളള പ്രവര്‍ത്തനത്തിനിടയിലും മഴക്കാല പകര്‍ച്ചവ്യാധികള്‍ മൂലമുള്ള ആരോഗ്യ പ്രശ്‌നങ്ങളും പ്രതിരോധിക്കാനാണ് ആരോഗ്യ വകുപ്പിന്റെ തീരുമാനം. ഇതിന്റെ ഭാഗമായി പ്രഖ്യാപിച്ചതാണ് ‘ഡ്രൈഡേ’.
‘ഡ്രൈഡേ’ മലപ്പുറം ജില്ലാതല ഉൽഘാടനം മഞ്ചേരി സോണിലെ കുട്ടശ്ശേരി യൂണിറ്റിലെ സ്വന്തംവീടും പരിസരവും ശുചീകരിച്ചു കൊണ്ട് എസ്വൈഎസ് ജില്ലാ പ്രസിഡണ്ട് സികെ അസൈനാർ സഖാഫി കുട്ടശ്ശേരി നിർവഹിക്കുന്നു. ഒപ്പം മകനും എസ്വൈഎസ് പ്രവർത്തകനുമായ സൈഫുദ്ദീൻ അഹ്സനി
സംഘടനാ അംഗങ്ങൾ നടത്തുന്ന വിവിധ കോവിഡ് പ്രതിരോധ പ്രവർത്തനങ്ങളും മുന്നേറുന്നുണ്ട്. ഇതിനൊപ്പം മഴക്കാല രോഗങ്ങൾ പ്രതിരോധിക്കാനാവശ്യമായ ബോധവൽക്കരണ പരിപാടികളും സംഘടിപ്പിക്കുന്നുണ്ട്. ഡ്രൈഡേ പദ്ധതിയുടെ ജില്ലാതല ഉൽഘാടനം, സ്വന്തവീടും പരിസരങ്ങളും ശുചീകരിച്ചു കൊണ്ട് മലപ്പുറം എസ്വൈഎസ് ജില്ലാ പ്രസിഡണ്ടായ സികെ അസൈനാർ സഖാഫി കുട്ടശ്ശേരി നിർവഹിച്ചു. കൂടെ മകനും എസ്വൈഎസ് പ്രവർത്തകനുമായ സൈഫുദ്ദീൻ അഹ്സനിയും പങ്കുചേർന്നു.
‘കൃഷി മുന്നൊരുക്ക പ്രവർത്തനങ്ങൾക്കും ഇതോടൊപ്പം പ്രവർത്തകർ തുടക്കം കുറിച്ചിട്ടുണ്ട്. പുതിയ കൃഷി രീതികളിൽ മാർഗ നിർദ്ദേശങ്ങൾ നൽകുന്നതിനും കാർഷിക അനുഭവങ്ങൾ പങ്കു വെക്കുന്നതിനും സംഘടന വിവിധ പദ്ധതികൾ നടപ്പിലാക്കുമെന്നും‘ നേതാക്കൾ അറിയിച്ചു.
അഭിപ്രായങ്ങളുടെ ആധികാരികത ഉറപ്പിക്കുന്നതിന് വേണ്ടി കൃത്യമായ ഇ-മെയിൽ വിലാസവും ഫോട്ടോയും ഉൾപ്പെടുത്താൻ ശ്രമിക്കുക. രേഖപ്പെടുത്തപ്പെടുന്ന അഭിപ്രായങ്ങളിൽ 'ഏറ്റവും മികച്ചതെന്ന് ഞങ്ങളുടെ എഡിറ്റോറിയൽ ബോർഡിന്' തോന്നുന്നത് പൊതു ശബ്‌ദം എന്ന കോളത്തിലും സാമൂഹിക മാദ്ധ്യമങ്ങളിലും ഉൾപ്പെടുത്തും. ആവശ്യമെങ്കിൽ എഡിറ്റ് ചെയ്യും. ശ്രദ്ധിക്കുക; മലബാർ ന്യൂസ് നടത്തുന്ന അഭിപ്രായ പ്രകടനങ്ങളല്ല ഇവിടെ പോസ്‌റ്റ് ചെയ്യുന്നത്. ഇവയുടെ പൂർണ ഉത്തരവാദിത്തം രചയിതാവിനായിരിക്കും. അധിക്ഷേപങ്ങളും അശ്‌ളീല പദപ്രയോഗങ്ങളും നടത്തുന്നത് ശിക്ഷാർഹമായ കുറ്റമാണ്.
