അർജുൻ റെഡ്ഡി കൂട്ടുകെട്ടിൽ ഒരുങ്ങുന്ന വെബ്‌സീരിസിൽ നിർമ്മാതാവാകാൻ വിജയ് ദേവരകൊണ്ട. സീരിസിന്റെ അണിയറപ്രവർത്തകർ ഒടിടി പ്ലാറ്റ്ഫോമുകളുമായി ചർച്ച നടത്തിയെന്നാണ് സൂചന. റിലീസുമായി ബന്ധപ്പെട്ട ഔദ്യോഗിക പ്രഖ്യാപനം പിന്നീടുണ്ടാവും.
അർജുൻ റെഡ്ഡിയുടെ സംവിധായകൻ സന്ദീപ് റെഡ്ഡി വെങ്കയാണ് വെബ്‌സീരിസും സംവിധാനം ചെയ്യുന്നത്. വിജയ്‌യുടെ സഹോദരൻ ആനന്ദ് ദേവരകൊണ്ട നായകനായേക്കും. കഴിഞ്ഞ വർഷം ജൂലൈയിൽ റിലീസ് ചെയ്ത ദൊറസാനി എന്ന ചിത്രത്തിലൂടെയായിരുന്നു ആനന്ദിന്റെ സിനിമാപ്രവേശം.എന്നാൽ ചിത്രം വേണ്ട രീതിയിൽ ശ്രദ്ധിക്കപ്പെട്ടില്ല.
അർജുൻ റെഡ്ഢിക്ക് സമാനമായ രീതിയിലാവും പുതിയ വെബ്‌സീരിസെന്നാണ് അണിയറയിലെ വർത്തമാനം. ബോക്സ്‌ ഓഫീസിൽ വൻഹിറ്റായിരുന്നുവെങ്കിലും ചിത്രത്തിന്റെ സ്ത്രീവിരുദ്ധ ഉള്ളടക്കത്തെ വിമർശിച്ച് ധാരാളം പേർ രംഗത്തെത്തിയിരുന്നു.
