ജിത്തു ജോസഫ് സംവിധാനം ചെയ്‌ത്‌ മോഹന്‍ലാല്‍ നായകനാകുന്ന സിനിമ ദൃശ്യം 2 ന്റെ ചിത്രീകരണം ആരംഭിച്ചു. കൊച്ചിയിലാണ് ഇപ്പോള്‍ ചിത്രീകരണം ആരംഭിച്ചിരിക്കുന്നത്. കോവിഡ് മാനദണ്ഡങ്ങള്‍ പാലിച്ച് കര്‍ശന നിയന്ത്രണങ്ങളോടെയാണ് ചിത്രീകരണം നടക്കുന്നത്. സിനിമയില്‍ പ്രവര്‍ത്തിക്കുന്ന എല്ലാവര്‍ക്കും കോവിഡ് പരിശോധന നടത്തിയ ശേഷമാണ് ഷൂട്ടിങ് ആരംഭിച്ചത്.
ദൃശ്യത്തിന്റെ ഒന്നാം ഭാഗം സംവിധാനം ചെയ്‌ത ജിത്തു ജോസഫ് തന്നെയാണ് രണ്ടാം ഭാഗവും സംവിധാനം ചെയ്യുന്നത്. ആദ്യ ഭാഗത്തിലെ എല്ലാ താരങ്ങളും രണ്ടാം ഭാഗത്തിലും അണിനിരക്കും. ഈ മാസം 26 ആം തീയതി മുതലാണ് മോഹന്‍ലാല്‍ ചിത്രീകരണത്തിന് എത്തുന്നത്. ആദ്യത്തെ പത്ത് ദിവസങ്ങള്‍ ഇന്‍ഡോര്‍ ഷൂട്ട് ആയിരിക്കും നടക്കുക. അതിനു ശേഷം ചിത്രീകരണം തൊടുപുഴയിലേക്ക് മാറ്റും. സിനിമയില്‍ പ്രവര്‍ത്തിക്കുന്ന ആര്‍ക്കും ചിത്രീകരണം കഴിയുന്നത് വരെ പുറത്തു പോകാന്‍ അനുവാദം ഉണ്ടായിരിക്കില്ല. എല്ലാ താരങ്ങളും, അണിയറ പ്രവര്‍ത്തകരും ഒരുമിച്ചു ഒരു ഹോട്ടലില്‍ തന്നെയായിരിക്കും ചിത്രീകരണം പൂര്‍ത്തിയാകുന്നത് വരെ താമസിക്കുക.
Read also : ഗേറ്റ് 2021; അപേക്ഷിക്കേണ്ട അവസാന തീയതി സെപ്റ്റംബര്‍ 30
