മോഹൻലാൽ-ജിത്തു ജോസഫ് കൂട്ടുകെട്ടിന്റെ സൂപ്പർഹിറ്റ് ചലച്ചിത്രം ‘ദൃശ്യം 2′ ആമസോൺ പ്രൈമിൽ റിലീസ് ചെയ്യും. ഫെബ്രുവരി 19നാണ് ചിത്രം പ്രേക്ഷകർക്ക് മുന്നിലെത്തുക. റിലീസിന് മുന്നോടിയായി ചിത്രത്തിന്റെ ട്രെയിലർ അണിയറ പ്രവർത്തകർ പുറത്തുവിട്ടു. ദൃശ്യം ഒന്നാം ഭാഗത്തിന്റെ കഥാതന്തുവിൽ ഊന്നിയാണ് ചിത്രത്തിന്റെ ട്രെയിലർ തയാറാക്കിയിരിക്കുന്നത്.
ജിത്തു ജോസഫ് സംവിധാനം ചെയ്യുന്ന ചിത്രം ആശിർവാദ് സിനിമാസിന്റെ ബാനറിൽ ആന്റണി പെരുമ്പാവൂരാണ് നിർമിക്കുന്നത്. മീന, സിദ്ദിഖ്, ആശ ശരത്, മുരളി ഗോപി, അൻസിബ, എസ്തർ അനിൽ, സായ്കുമാർ തുടങ്ങിയവരും ചിത്രത്തിൽ പ്രധാന വേഷങ്ങളിൽ എത്തും.
2013ലാണ് ‘ദൃശ്യം’ പ്രേക്ഷകർക്ക് മുന്നിലെത്തിയത്. ചിത്രത്തിൽ മോഹൻലാൽ അവതരിപ്പിച്ച ജോർജ്കുട്ടി എന്ന കഥാപാത്രം ഏറെ ശ്രദ്ധിക്കപ്പെട്ടിരുന്നു. ചിത്രം ബോക്സ് ഓഫീസിൽ വൻ കളക്ഷൻ നേടുകയും വിവിധ ഭാഷകളിലേക്ക് റീമേക്ക് ചെയ്യുകയും ചെയ്തിരുന്നു.
Read also: ഒരു കാൾ മതി; കെഎസ്ഇബി സേവനങ്ങൾ ഇനി മുതൽ വാതിൽപ്പടിയിൽ