തെലങ്കാന: ഹൈദരാബാദിലെ വ്യവസായശാലയിൽ വൻ തീപിടിത്തം. ബൊല്ലാരാം മേഖലയിലെ വിന്ധ്യ ഓർഗാനിക്സ് പ്രൈവറ്റ് ലിമിറ്റഡ് എന്ന സ്ഥാപനത്തിലാണ് തീപിടിത്തം ഉണ്ടായത്. 8 പേർക്ക് പരിക്കേറ്റതായാണ് പ്രാഥമിക വിവരങ്ങൾ. കൂടുതൽ പേർ കെട്ടിടത്തിനുള്ളിൽ കുടുങ്ങി കിടക്കുന്നുണ്ടെന്നാണ് പുറത്തുവരുന്ന റിപ്പോർട്ടുകൾ.
വ്യവസായ ശാലയിൽ സൂക്ഷിച്ച രാസലായനിക്ക് തീപ്പിടിച്ചതാണ് അപകടത്തിലേക്ക് നയിച്ചതെന്നാണ് സൂചന. പരിക്കേറ്റവരെ ഉടൻ തന്നെ ആശുപത്രിയിലേക്ക് മാറ്റിയെന്നും സ്ഥലത്ത് രക്ഷാപ്രവർത്തനം തുടരുകയാണെന്നും പോലീസ് അറിയിച്ചു. അപകടം സംബന്ധിച്ച കൂടുതൽ വിവരങ്ങൾ പുറത്തു വരുന്നതേയുള്ളു.
Read also: അധികാര സ്ഥാനങ്ങളില് ഇരിക്കുന്നവര് ഭരണഘടനയുടെ അന്തസത്ത ഉള്ക്കൊണ്ട് പ്രവര്ത്തിക്കണം; മുഖ്യമന്ത്രി