മോഹന്‍ ലാലിനെ നായകനാക്കി ലോഹിത ദാസ് സംവിധാനം ചെയ്‌ത കന്മദം സിനിമയില്‍ മുത്തശ്ശിയായി അഭിനയിച്ച ശാരദ നായര്‍ അന്തരിച്ചു. 92 വയസായിരുന്നു. തത്തമംഗലം കാദംബരിയില്‍ പരേതനായ പുത്തന്‍ വീട്ടില്‍ പത്മനാഭന്‍ നായരുടെ ഭാര്യയാണ് അന്തരിച്ച ശാരദ നായര്‍. പേരൂര്‍ മൂപ്പില്‍ മഠത്തില്‍ അംഗമാണ്.
കന്മദത്തിലെ ഇവരുടെ മുത്തശ്ശി കഥാപാത്രം ഏറെ പ്രേക്ഷകശ്രദ്ധ ആകര്‍ഷിച്ചിരുന്നു. സിനിമയില്‍ മോഹന്‍ലാലും മുത്തശ്ശിയും ചേര്‍ന്ന് അഭിനയിച്ച ‘മഞ്ഞക്കിളിയുടെ മൂളിപ്പാട്ടുണ്ടേ’ എന്ന ഗാനം മലയാളികള്‍ക്ക് വളരെ പ്രിയപ്പെട്ടതാണ്.
മഞ്‌ജു വാര്യര്‍ അവതരിപ്പിച്ച കഥാപാത്രത്തിന്റെ മുത്തശ്ശി ആയിട്ടാണ് സിനിമയില്‍ ശാരദ നായര്‍ വേഷമിട്ടത്. ജയറാം നായകനായ പട്ടാഭിഷേകം എന്ന സിനിമയിലും അഭിനയിച്ചിട്ടുണ്ട്.
Read more: ഭാഗ്യലക്ഷ്‍മിയോട് ഐക്യദാര്‍ഢ്യം; പിന്തുണയുമായി ഫെഫ്‌ക
