തിരുവനന്തപുരം : സംസ്‌ഥാനത്ത് അടുത്ത 3 ദിവസം കൂടി കനത്ത മഴ തുടരാൻ സാധ്യതയെന്ന് വ്യക്‌തമാക്കി കാലാവസ്‌ഥാ നിരീക്ഷണ വകുപ്പ്. ശക്‌തമായ മഴക്ക് സാധ്യത ഉള്ളതിനാൽ ബുധനാഴ്‌ച വരെ സംസ്‌ഥാനത്തെ വിവിധ ജില്ലകളിൽ മഴ മുന്നറിയിപ്പ് നൽകിയിട്ടുണ്ട്.
എറണാകുളം, ഇടുക്കി, മലപ്പുറം, കോഴിക്കോട്, വയനാട്, കണ്ണൂർ, കാസർഗോഡ് എന്നീ ജില്ലകളിൽ ബുധനാഴ്‌ച വരെ യെല്ലോ അലർട് പ്രഖ്യാപിച്ചിട്ടുണ്ട്. മഴക്കൊപ്പം ശക്‌തമായ കാറ്റിനും, ഇടിമിന്നലിനും സാധ്യത ഉണ്ടെന്ന് അധികൃതർ വ്യക്‌തമാക്കി. കൂടാതെ കേരളതീരത്ത് ഉയർന്ന തിരമാലക്കും, കടലാക്രമണത്തിനും സാധ്യത ഉണ്ട്.
തീര പ്രദേശങ്ങളിൽ താമസിക്കുന്ന ആളുകളും, മൽസ്യ തൊഴിലാളികളും കർശന ജാഗ്രത പുലർത്തണമെന്ന് അധികൃതർ നിർദ്ദേശം നൽകി. അതേസമയം കേരള, കർണാടക, ലക്ഷദ്വീപ് തീരങ്ങളിൽ നിന്നും മൽസ്യബന്ധനത്തിന് പോകുന്നതിന് നിലവിൽ വിലക്ക് ഏർപ്പെടുത്തിയിട്ടില്ല.
Read also : ‘ട്രാക്‌ടറുമായി തയ്യാറാവുക’; കർഷകരോട് രാകേഷ് ടിക്കായത്ത്
