തിരുവനന്തപുരം: അടുത്ത മൂന്ന് മണിക്കൂറിൽ സംസ്‌ഥാനത്തെ 8 ജില്ലകളിൽ ഒറ്റപ്പെട്ട ഇടങ്ങളിൽ ഇടിയോട് കൂടിയ മഴയ്‌ക്ക്‌ സാധ്യതയുള്ളതായി കാലാവസ്‌ഥാ നിരീക്ഷണ കേന്ദ്രം. തിരുവനന്തപുരം, കൊല്ലം, പത്തനംതിട്ട, ഇടുക്കി, കോട്ടയം, ആലപ്പുഴ, എറണാകുളം, തൃശൂർ എന്നീ ജില്ലകളിലാണ് ഇടിമിന്നലോട് കൂടിയ മഴക്ക് സാധ്യതയുള്ളത്.
മഴയ്‌ക്കും ഇടിമിന്നലിനും സാധ്യതയുള്ളതിന് പുറമേ ശക്‌തമായ കാറ്റും ഉണ്ടാകുമെന്ന് അധികൃതർ വ്യക്‌തമാക്കിയിട്ടുണ്ട്. മണിക്കൂറിൽ 40 കിലോമീറ്റർ വേഗതയിൽ കാറ്റ് വീശാനാണ് സാധ്യത. അതേസമയം തന്നെ ഏപ്രിൽ 3ആം തീയതി മുതൽ 7ആം തീയതി വരെ കേരളത്തിൽ ശക്‌തമായ മഴക്കും, ഇടിമിന്നലിലും സാധ്യതയുണ്ടെന്ന് വ്യക്‌തമാക്കിയ കാലാവസ്‌ഥാ നിരീക്ഷണ കേന്ദ്രം ഇടിമിന്നൽ ജാഗ്രതാ നിർദ്ദേശങ്ങളും പുറത്തിറക്കിയിട്ടുണ്ട്.
Read also: കെഎസ്‌ആർടിസി ബസിന് മുന്നിലെ അഭ്യാസപ്രകടനം; യുവാക്കൾ പിടിയിൽ
