ഷാജഹാൻപൂർ: മൂന്നാമതും പെണ്കുഞ്ഞിന് ജൻമം നല്കിയതിന് ഭാര്യയ്ക്ക് ഭർത്താവിൽ നിന്നും ക്രൂര പീഡനം. ഉത്തര്പ്രദേശിലെ ഷാജഹാന്പൂരിലാണ് സത്യപാല് എന്നയാൾ ഭാര്യ സഞ്ജു(32)ന്റെ ദേഹത്ത് തിളച്ച വെള്ളമൊഴിച്ചത്.
ഭാര്യ ആണ്കുഞ്ഞിന് ജൻമം നല്കാത്തതിനാലാണ് ഇയാൾ തിളച്ച വെള്ളമൊഴിച്ചതെന്ന് പോലീസ് അറിയിച്ചു. ആക്രമണത്തിൽ ഗുരുതരമായി പൊള്ളലേറ്റ യുവതി ചികിൽസയിലാണ്.
അതേസമയം സംഭവത്തില് യുവതിയുടെ പിതാവ് നല്കിയ പരാതിയിൽ പോലീസ് കേസെടുത്തിട്ടുണ്ട്.
2013ലാണ് ഇരുവരും തമ്മിലുള്ള വിവാഹം നടന്നത്. കഴിഞ്ഞ വര്ഷമാണ് ഇവര്ക്ക് മൂന്നാമത്തെ പെണ്കുഞ്ഞ് ജനിച്ചത്. ഇതോടെ സത്യപാല് കടുത്ത ദേഷ്യത്തിൽ ആയിരുന്നുവെന്ന് ബന്ധുക്കൾ പറയുന്നു. ഭാര്യയെ ഉപദ്രവിക്കുന്നതും പതിവായിരുന്നു. കൂടാതെ മാതാപിതാക്കളോട് 50,000 രൂപ ആവശ്യപ്പെടാൻ ഇയാൾ ഭാര്യയെ നിർബന്ധിച്ചിരുന്നു എന്നും പരാതിയിൽ പറയുന്നു.
Most Read: ഏലം കർഷകരിൽ നിന്നും ഓണപ്പിരിവ്; റിപ്പോർട് ഇന്ന് സമർപ്പിക്കും