കോഴിക്കോട്: സുരക്ഷാ ഭീഷണിയുണ്ടെന്ന റിപ്പോര്ട്ടിന്റെ അടിസ്ഥാനത്തില് ബിജെപി സംസ്ഥാന അധ്യക്ഷന് കെ.സുരേന്ദ്രന് ഗണ്മാനെ അനുവദിക്കണമെന്ന് ഇന്റലിജന്സ് നിര്ദേശിച്ചു. ഗണ്മാനെ നല്കാന് ഇന്റലിജന്സ് എഡിജിപി കോഴിക്കോട് റൂറല് എസ് പിക്ക് നിര്ദേശം നല്കി.
നിലവിലെ സാഹചര്യത്തില് എക്സ് കാറ്റഗറി സുരക്ഷ അനിവാര്യമാണെന്നും എഡിജിപിയുടെ ഉത്തരവില് വ്യക്തമാക്കി. നേരത്തെ തന്നെ ഗണ്മാനെ നിയോഗിക്കാന് തീരുമാനിച്ചിരുന്നു. എന്നാല്, സുരേന്ദ്രന് അത് നിരസിക്കുകയായിരുന്നു. ഇപ്പോഴത്തെ സാഹചര്യം കണക്കിലെടുത്ത് എഡിജിപിയുടെ ഉത്തരവില് സുരേന്ദ്രന് ഇതുവരെ എതിര്പ്പ് അറിയിച്ചിട്ടില്ലെന്ന് ഉദ്യോഗസ്ഥര് പറഞ്ഞു.