വാസ്കോ: ഐഎസ്എൽ ഏഴാം സീസണിലെ പ്ളേ ഓഫ് സ്ഥാനങ്ങൾക്ക് വേണ്ടിയുള്ള പോരാട്ടം മുറുകവെ ജംഷഡ്പൂർ എഫ്സി ഇന്ന് ഒഡീഷയെ നേരിടും. സീസണിൽ ഇതുവരെ ഒരു ജയം മാത്രം നേടിയ ഒഡീഷ എട്ട് പോയിന്റുമായി ലീഗിൽ അവസാന സ്ഥാനത്താണ്. ഈ മൽസരം കൂടി തോറ്റാൽ ടീമിന്റെ പ്ളേ ഓഫ് സാധ്യതകൾ പൂർണമായും അവസാനിക്കും. 15 പോയിന്റുള്ള ജംഷഡ്പൂരിന്റെ സ്ഥിതിയും മെച്ചമല്ല. എട്ടാം സ്ഥാനത്താണ് ജംഷഡ്പൂർ ഇപ്പോൾ.
സീസണിലെ ആദ്യപാദത്തിൽ ഏറ്റുമുട്ടിയപ്പോൾ ഇരുടീമും രണ്ട് ഗോൾ വീതം നേടി സമനില പാലിക്കുകയായിരുന്നു. ജംഷഡ്പൂരിനായി നെരിജസ് വാല്സ്കിസും ഒഡിഷക്കായി ഡീഗോ മൗറീഷ്യോയും അന്ന് ഇരട്ട ഗോള് നേടിയിരുന്നു. അതിന് ശേഷം ഫോം കണ്ടെത്താൻ ഉഴലുന്ന വാൽസ്കിസ് ഈ മൽസരത്തോടെ ടീമിന്റെ പ്രതീക്ഷകൾ വീണ്ടെടുക്കാനാണ് ഇറങ്ങുന്നത്. രാത്രി ഏഴരക്കാണ് മൽസരം.
Read Also: സംസ്ഥാനത്ത് സ്വർണവില ഉയർന്നു; പവന് 160 രൂപ കൂടി