കോട്ടയം: മാണി സി കാപ്പന് പിന്നാലെ പാലായിൽ തിരഞ്ഞെടുപ്പ് പ്രചാരണത്തിന് തുടക്കം കുറിച്ച് കേരളാ കോൺഗ്രസ് എം നേതാവ് ജോസ് കെ മാണി. ഒരാഴ്‌ച നീണ്ടു നിൽക്കുന്ന ‘ജനകീയം പദയാത്ര’ക്ക് മുത്തോലിയിൽ തുടക്കമായി.
മണ്ഡലത്തിലെ 12 പഞ്ചായത്തുകളിലും നഗരസഭയിലും വരും ദിവസങ്ങളിൽ ജോസ് കെ മാണി നേരിട്ടെത്തും. സർക്കാർ പദ്ധതികൾ ജനങ്ങളിലേക്ക് എത്തിക്കുന്നതിനൊപ്പം രാഷ്‌ട്രീയ വിശദീകരണം കൂടിയാണ് ലക്ഷ്യം.
പാലായിൽ യുഡിഎഫ് സ്‌ഥാനാർഥിയായി നിൽക്കുന്ന മാണി സി കാപ്പനെതിരെ ആരെന്ന ചോദ്യത്തിന് എൽഡിഎഫ് നൽകുന്ന വ്യക്‌തമായ മറുപടി കൂടിയാണ് ജോസ് കെ മാണി നയിക്കുന്ന ജനകീയം പദയാത്ര. വിഎൻ വാസവൻ യാത്ര ഉൽഘാടനം ചെയ്‌തു.
Also Read: ‘സായംപ്രഭ’ പദ്ധതിക്ക് 61.82 ലക്ഷം രൂപ അനുവദിച്ചതായി ആരോഗ്യമന്ത്രി
