വിജയ് നായകനാകുന്ന മാസ്റ്ററിന് ശേഷം ലോകേഷ് കനകരാജ് സംവിധാനം ചെയ്യുന്ന അടുത്ത ചിത്രത്തില്‍ ഉലകനായകന്‍ കമല്‍ ഹാസന്‍ പ്രധാനവേഷത്തിലെത്തും. വണ്‍സ് അപ്പോണ്‍ എ ഡേ ദേര്‍ ലിവ്ഡ് എ ഗോസ്റ്റ് എന്നു പേരിട്ടിരിക്കുന്ന ചിത്രത്തിന്റെ ഫസ്റ്റ് ലുക്ക് പോസ്റ്റര്‍ പുറത്തു വന്നു. കമല ഹാസന്‍ തന്നെയാണ് പോസ്റ്റര്‍ പുറത്ത് വിട്ടത്.
Another journey begins.
மறுபடியும் உங்கள் நான்.
RaajKamal Films International Anirudh Ravichander
Posted by Kamal Haasan on Wednesday, September 16, 2020
കമല്‍ ഹാസന്റെ 232മത്തെ ചിത്രമാണ് ഇത്. ഗ്യാങ്സ്റ്റര്‍ ചിത്രമാകും ഇതെന്നാണ് പോസ്റ്റര്‍ നല്‍കുന്ന സൂചനകള്‍. കമല്‍ ഹാസന്റെ തന്നെ നിര്‍മ്മാണ കമ്പനിയായ രാജ്കമല്‍ ഫിലിംസ് ആണ് ചിത്രത്തിന്റെ നിര്‍മാതാക്കള്‍. അടുത്ത വര്‍ഷമായിരിക്കും ചിത്രം റിലീസ് ചെയ്യുന്നത്.
ലോകേഷിന്റെ അഞ്ചാമത്തെ ചിത്രമാണ് ഇത്. മാസ്റ്റര്‍ ആണ് ഇനി പുറത്തു വരാനുള്ളത്. മാര്‍ച്ചിലാണ് ചിത്രത്തിന്റെ റിലീസ് പ്രതീക്ഷിച്ചിരുന്നത്. എന്നാല്‍ കോവിഡ് 19 മൂലം ഇത് നീണ്ട് പോകുകയായിരുന്നു. സൂപ്പര്‍ ഹിറ്റ് ചിത്രം കൈതിയുടെ രണ്ടാം ഭാഗവും അണിയറയില്‍ ഒരുങ്ങുന്നുണ്ട്. എന്തായാലും ഉലകനായകനും തമിഴിലെ ഏറ്റവും പ്രതീക്ഷയുള്ള യുവ സംവിധായകരില്‍ ഒരാളും ഒന്നിക്കുന്നതിന്റെ ആവേശത്തിലാണ് ആരാധകര്‍.
