മലപ്പുറം: മുസ്ലിം ലീഗ് സംസ്ഥാന പ്രവര്ത്തക സമിതി യോഗം ഇന്ന് മലപ്പുറത്ത് ചേരും. യോഗത്തില് തദ്ദേശ തിരഞ്ഞെടുപ്പ് ഫലം വിലയിരുത്തും. രാവിലെ 11ന് മലപ്പുറം ലീഗ് ഹൗസില് ചേരുന്ന യോഗത്തില് സംസ്ഥാന പ്രസിഡണ്ട് പാണക്കാട് ഹൈദരലി ശിഹാബ് തങ്ങള് അധ്യക്ഷത വഹിക്കും.
തിരഞ്ഞെടുപ്പില് യുഡിഎഫിന് സംസ്ഥാന തലത്തിലുണ്ടായ തിരിച്ചടി ലീഗിനെ ആശങ്കപ്പെടുത്തുന്നതാണ്. വെല്ഫെയര് പാര്ട്ടിയുമായുണ്ടാക്കിയ ധാരണ പാര്ട്ടിയുടെ മതേതര മുഖം നഷ്ടപെടുത്തിയെന്ന വിലയിരുത്തല് ഒരു വിഭാഗം നേതാക്കള്ക്കുണ്ട്. ഇക്കാര്യം യോഗത്തില് ചര്ച്ചയാവും. നിയമസഭാ തിരഞ്ഞെടുപ്പിന്റെ മുന്നൊരുക്കങ്ങളുടെ ആലോചനയും യോഗത്തിലുണ്ടാവും.
Also Read: ഷിഗല്ല രോഗബാധ; ഉറവിടം കണ്ടെത്താന് സര്വേ ആരംഭിച്ച് വിദഗ്ധ സമിതി